Josua 23:16 - Uwumbɔr aagbaŋ

¹⁶ Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Josua 23:16 ပူးပေါင်းရင်းမြစ်များ

1 Bibɔrb 14:15

Uwumbɔr ga daa Israel aanib aatafal, le Israel aatiŋ ga deŋ ke kimɔɔmook aah deŋni nkpen ni pu na. U ga ŋɔb Israel yaab kitinyaan ki u nan di tii biyaajatiib na pu, le ki ga cha bi yaa ki puur Yufrates aamɔɔl aapuwɔb, baah naan liwaapii Asera aanaŋ ti ki fiin waaŋuul na pu.

1 Bibɔrb 9:6

Tɔ, si, bee aayaabitiib, yaa yii, kaa dii mi, ki yii ikaal, ni maah bui nimi pu na mɔmɔk, ki dooni ŋiwaa kan,

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

2 Bibɔrb 17:7

Israel yaab aah nan tun Bidindaan Uwumbɔr titunwanbir na le nan cha Samaria aatiŋ ber. Uwumbɔr nan gaa bi Ijipt yaab aabɔr aaŋaal ni ki nyan ni bi Ijipt aatiŋ ni na, le bi nan dooni ŋiwaa,

2 Bibɔrb 24:20

Uwumbɔr aaŋuul nan fii Jerusalem ni Juda aanib pu sakpen, le u jenn nyan bi unimbiin ni.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Nkahm 33:56

Ni yaa kaa jenn nyan bi kan, m ga kuln nimi, ke maah dak ke m ga kuln bi pu na.”

Ikaal 17:3

ki dooni ŋiwaa, bee nwiin, bee uŋmal, bee iŋmabi, ki yenn Uwumbɔr chee.

Ikaal 28:15

“Tɔ, ni yaa yii Nidindaan Uwumbɔr aamɔb, kaa joo waakaal, ni waah bui nimi din wee pu na kan, tibɔbir timina mɔmɔk ga dan ni pu:

Ikaal 6:15

Ni yaa dooni ŋiwaa kan, Uwumbɔr aaŋuul ga dan ni pu ke mmii na, ki nan kuln nimi kookoo, ba pu? Nidindaan Uwumbɔr u bi ni chee na aa ban ke waanib ki li dooni nibaa ki kpee u pu.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 2:20

Le Uwumbɔr aaŋuul ti fii Israel yaab pu sakpen, le u bui ke, “Litimbol limina bii tipuur ti m nan bui biyaajatiib ke bi li joo ti na. Baah kaa kii maamɔb pu na,

1 Samuel 12:25

Ni mu yaa tee yii ki beenin tun titunwanbir kan, nimi, ni nimi aabɔr mɔmɔk ga kuln.”