Josua 23:14 - Uwumbɔr aagbaŋ

¹⁴ “Dandana wee, ni ŋeer ke m kpo. Ni mɔmɔk nyi nisui ni, ni nimi aawiin ni, ke Nidindaan Uwumbɔr le tii nimi tiwanyaan nimɔk u puu ke u ga tii nimi na. Tipuur timɔk u puu na, u ŋa ti mɔmɔk; tibaa kina aa bee fam.

Josua 23:14 ပူးပေါင်းရင်းမြစ်များ

Mpiin 47:29

N‑yoonn mu u bee ke naan ki yunn u ga kpo na, le u yin ujapɔɔn Josef, le ki nan bui u ke, “Di aaŋaal ŋa ntaapaln taab ki puu tipuur ke saan cha maawon bee Ijipt aatiŋ ni do.

1 Bibɔrb 2:2

“Maayoonn fuu ni ke m kpo. Taa li san ijawaan, ki cha aanimbil li man

1 Bibɔrb 8:56

“Pak Uwumbɔr u tii waanib nsuudoon, waah nan puu ke u ga ŋa pu na. U joo tiŋann aapuur ti u nan puu tii waatutunn Moses timi pu na.

Job Aagbaŋ 30:23

M nyi ke aa joo mi cha maakun ni la, aa joo mi cha ndoon mu dɔ kii unii mɔmɔk na ni la.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Ulandaan 12:5

Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Tibɔnyaan ti Luk ŋmee ti na 21:33

Paacham ni taab ga jer. Maamɔbon ma aan jer.”

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

1 Samuel 3:19

Samuel aah chikr cha na, le Uwumbɔr nan bi u chee ki cha Samuel aah len pu na mɔmɔk gbiini kina.