Josua 23:12 - Uwumbɔr aagbaŋ

¹² Ni yaa kaa si chob aan ki di nibaa kpaan ŋinibol ŋi gur na chee ki yoor bibisatiib kan,

Josua 23:12 ပူးပေါင်းရင်းမြစ်များ

Mpiin 2:24

Nima pu le ni ŋan ke uja ni upuu nya cha bitetiib ni binatiib, ki kpaan tɔb chee, ki ŋa unibaan.

Mpiin 34:3

U nan gee Daina sakpen a, le ki ban ke Daina mu li gee u.

1 Bibɔrb 11:2

Uwumbɔr nan bui Israel yaab ke bi taa yoor binib ngbaan aapiib, le u yii ki yoor. Budabu pu Uwumbɔr aa nan gee bi ni binib ngbaan li joo tɔb aabim na le ye ke bi cha Israel yaab fenn diir baawaa la.

1 Bibɔrb 11:4

le u ni u ti por na, bi cha u gur dooni ŋiwaa. Waa nan kii Udindaan Uwumbɔr aamɔb ke ute David aah nan kii pu na.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 36:3

Waabɔlen ye mbiin ŋmeen, le ki gbii inyamɔn; waa ki kpa nlan, kaa ki ŋani tiwan ni ŋan na.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Matiu 12:45

Le ti ga buen ki ti joo ni tiyayaar tilole ti bir ki jer ti na. Le ti mɔmɔk ga nan koo unii ngbaan ponn ni, ki ga li bi u ponn ni, le ki bii u ki jer waah nan bi njan pu na. Kina le ni ga li bi dandana aanib bi kaa ŋan na chee.”

Jɔnn 6:66

Nee aapuwɔb le binib bi dii u na ponn ni pam gir puwɔb kaa ki dii u.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Ikaal 6:15

Ni yaa dooni ŋiwaa kan, Uwumbɔr aaŋuul ga dan ni pu ke mmii na, ki nan kuln nimi kookoo, ba pu? Nidindaan Uwumbɔr u bi ni chee na aa ban ke waanib ki li dooni nibaa ki kpee u pu.

Ikaal 7:3

Ni taa yoor bibisatiib, ki taa cha nijapɔtiib mu yoor bi ponn ni aapiibim.

Ikaal 7:4

Ba pu? ni yaa ŋa kina kan, bi ga cha nimi aabim yii Uwumbɔr, le ki dooni ŋiwaa. Ni yaa ŋa kina kan, Uwumbɔr aaŋuul ga fii ni pu, le u kuln nimi doo.

Josua 23:11

Li nyi man, aan ki li gee Nidindaan Uwumbɔr.

1 Jɔnn 2:9

Unii yaa len ke u bi nwiihn ni ki yaa nan una aabo kan, u beenin bi mbɔmbɔɔn ni la, le ki di nan saa din.

Bibɔjirb 14:3

Ute ni una nan baa u ke, “Ba ŋa aa ban aa ti ban upii, nifam bimina ni? Saan ŋmaa kan usapɔɔn timi aataŋaal ponn ni, timi aanib mɔmɔk ni ii?” Le Samsonn nan bui ute ke, “Uma ngbaan le m ban ke aa chɔi tii mi. M gee uma la.”

Bibɔjirb 3:6

Bi nan joo tɔb aabim, le Israel yaab dooni baawaa.