Josua 22:6 - Uwumbɔr aagbaŋ

^6-8 Josua nan mee Uwumbɔr aanyoor ŋa bi pu, le ki cha bi gir kun, le ki di tibɔr tee sur bi, “Ni joo liwangol le ki gir chaa kun: tiwakor, ni tikunabr, ni salmaa, ni tikumann, ni tikur, ki kpee tiwanpeenkaan pam. Naah gaa tiwan ni nimi aadim chee na, ni ti yakr ni tii niŋeen aatɔtiib biken.” Le bi siir buen. Moses le nan di kitiŋ ki bi liwipuul, Jɔɔdann Aamɔɔdapuul wɔb na tii Manase aanibol ligeln. Josua mu nan ban kitiŋ Jɔɔdann Aamɔɔl aawilir wɔb, ki tii Manase aanibol ligeln li gur na, ŋinibol ŋiwae na chee.

Josua 22:6 ပူးပေါင်းရင်းမြစ်များ

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 47:10

Le Jakob chɔi ubɔr, ki ki ŋa tinyoor ŋa u pu, le ki gir buen waamaal chee.

Mpiin 47:7

Le Josef di ute Jakob mu buen ubɔr chee u ti doon u. Jakob nan mee tinyoor ŋa ubɔr ngbaan pu.

2 Samuel 6:18

Waah toor kitork ngbaan doo na, le u mee Uwumbɔr, u yeh mpɔɔn mɔmɔk na, ke u ŋa tinyoor ŋa binib ngbaan pu,

2 Samuel 6:19

le ki yakr yakr tijikaar tii bi mɔmɔk. U nan tii Israel aaja ni upii mɔmɔk liboroboro kpiln libaa, ni tinanpukaan, ni ŋisubil mu. Nee aapuwɔb, le bi mɔmɔk kun bido bido.

2 Samuel 6:20

Le David mu kun udo, u ti mee Uwumbɔr aanyoor waadichal ni yaab pu; le Mikal nyan nan tooh u nsan ni, le ki len ke, “Israel yaab aabɔr ban liyimbikpaan tii ubaa din wee. U di ubaa mɔk waaninkpiib aanaagbiisapɔm ke ujɔr na.”

1 Bibɔrb 8:66

Winiin daal le Solomonn nan cha binib ngbaan kun. Bi mɔmɔk nan pak u, le ki kun, ki kpa mpopiin, Uwumbɔr aah nan di tinyoor ti mɔmɔk tii waatutunn David, ni waanib Israel yaab na pu.

2 Bibɔrb Aabɔr 30:18

Ki kpee na, binib bi nan nyan ni Efraim, ni Manase, ni Isakar, ni Sebulunn aanibol ni na pam le nan ye binib bi kaa toor bibaa chain na, kina pu na, baah nan bi ji Lakr‑jer aajim na, naa nan ka kina. Ubɔr Hesekia nan mee limeel lee le tii bi:

Nnyam 39:43

Moses nan lik tiwan ngbaan mɔmɔk le ki kan ke bi ŋa nimɔk ke Uwumbɔr aah nan bui ke bi ŋa pu na. Nima pu na, Moses nan mee Uwumbɔr aanyoor ŋa bi pu.

Tibɔnyaan ti Luk ŋmee ti na 2:34

Le Simeonn ŋa Uwumbɔr aanyoor ŋa bi pu, le ki bui ubo ngbaan aana Mari, “Uwumbɔr nyan ubo ngbaan ke u sunn timi Israel yaab ponn ni pam taab, ki nyuŋ ti ponn ni pam mu. U ye limɔkl li binib pam ga yii li na.

Tibɔnyaan ti Luk ŋmee ti na 24:50

Le Yesu di bi buen Betani aatiŋ chee. Baah ti fuu nima na, le u yoor uŋaal paacham, ki ŋa Uwumbɔr aanyoor ŋa bi pu.

Josua 14:13

Josua nan mee Uwumbɔr aanyoor ŋa Jefune aajapɔɔn Kaleb pu, le ki di Hebronn aatiŋ tii u, ke ki li ye waatiŋ.

Josua 24:28

Nee aapuwɔb, le Josua nan cha binib ngbaan mɔmɔk gir kun baah nyan ni ntim mu ponn ni na.

1 Samuel 10:25

Samuel nan kpiir tuk binib ngbaan ubɔr aasan, ni waatun aah ye pu na, le ki ŋmee ni ŋa kigbaŋ ponn ni, ki di bil Uwumbɔr aadiik ni, le ki cha binib ngbaan mɔmɔk gir kun.

1 Samuel 13:2

Le Sɔɔl nan kuun bijab ŋichur ŋitaa, ki cha ŋichur ŋilee bi u chee Mikmas aatiŋ, ni Betel aatiŋ, ŋigongon aah wiir nin chee na, ki di lichur libaa na tii ujapɔɔn Jonatann ke u di buen Gibea ni, Benjaminn aamaal aapepel ni. Sɔɔl nan cha bijab bi gur na gir kun linampal.

1 Samuel 2:20

Le Eli ga ŋa Uwumbɔr aanyoor ŋa Elkana ni upuu pu, ki bui Elkana ke, “Uwumbɔr tii si mbim muken upii wee chee aan bi leŋ naah di ubo u tii u na aaleleŋ.” Nee aapuwɔb le bi gir kun.