Josua 22:5 - Uwumbɔr aagbaŋ

⁵ Ni chuu nibaa man, ki kii, ki li joo ikaal i Moses nan di mɔk nimi na: ni li gee Nidindaan Uwumbɔr, ki ŋa waageehn, ki kii tii waakaal, ki li joo waasan mbamɔm, aan ki li dii u nisui ni, ni nimi aawiin mɔmɔk.”

Josua 22:5 ပူးပေါင်းရင်းမြစ်များ

Ilahn 106:3

Binib bi keei waamɔb ki ŋani ni ŋan na n‑yoonn mɔmɔk na kpa mpopiin la.

Ilahn 78:7

Bi yaa ŋa kina kan, bi mu ga nan kii tii Uwumbɔr, kaan suln waah tun pu na; bi mu ga tee li ŋani waakaal aah len pu na n‑yoonn mɔmɔk.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 20:6

ki ga li gee binib churbakaa bi mu gee mi ki kii tii maakaal na.

Nnyam 23:13

“Tibɔr timɔk m len na, ni ŋun tii min Uwumbɔr. Ni taa dooni liwaal libaa; hali ni taa yin ŋaayimbil.

Nnyam 23:25

Ni yaa dooni min Nidindaan Uwumbɔr kan, m ga ŋa tinyoor ŋa ni pu, le ni kan tijikaar ni nnyun, le m ga nyan iween ni chee.

Ŋiyataŋak 4:23

Li nyi saah dak pu na; saabimbin naahn saalandak la.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Matiu 22:37

Le Yesu bui u, “‘Aa li gee Aadindaan Uwumbɔr aasui mɔmɔk ni, ni saawiin mɔmɔk, ni saalandak mɔmɔk.’

Matiu 4:10

Le Yesu bui ki ke, “Kinimbɔŋ, li cha. Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Tibɔnyaan ti Luk ŋmee ti na 1:74

ke u ga nyan timi, timi aadim aaŋaal ni, aan ti dii u ki taa li san ijawaan,

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Jɔnn 14:15

“Ni yaa gee mi kan, ni ga kii maamɔb,

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Lituln 27:23

M ye Uwumbɔr aanii, le ki dooni u. Kinyeek na, le waatuun ubaa dan nan sil m chee,

Rom Yaab 1:9

M di nsui mɔmɔk tun lituln tii Uwumbɔr, ki tuk binib Ujapɔɔn Yesu Kristo aabɔnyaan ngbaan. Uma Uwumbɔr le nyi ke ni ye mbamɔn, m teer nibɔr maameen mɔmɔk ponn ni,

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 11:1

“Ni li gee Nidindaan Uwumbɔr, ki li joo waakaal n‑yoonn mɔmɔk.

Ikaal 11:13

“Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 11:22

“Ni li nyi ki li joo ikaal i mɔmɔk m di mɔk nimi na mbamɔm. Ni li gee Nidindaan Uwumbɔr, ki ŋa waakaal aah mɔk nimi pu na, ki li dii uma baanja.

Ikaal 13:4

Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

Ikaal 4:29

Nima chee le ni ga lik ki ban Nidindaan Uwumbɔr, le ni yaa di nisui mɔmɔk ban u kan, ni ga kan u.

Ikaal 4:4

le nimi bi nan dii Nidindaan Uwumbɔr na ma laa beenin bi limɔfal ni, ki nan saa din.

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 5:10

M ga li gee binib churbakaa bi mu gee mi, ki kii tii maakaal na.

Ikaal 6:17

Ni li nyi ki li joo ikaal imɔk u di tii nimi na.

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

Josua 23:8

Ni tee li dii Uwumbɔr mbamɔm, ke naah gaa u ki kii ki nan saa dandana wee pu na.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

1 Samuel 12:20

Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.

1 Samuel 12:24

Kii tii Uwumbɔr man, ki di gaakii, ni nisui mɔmɔk tun tii u. Teer man litusakpeln li u tun tii nimi na.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”