Josua 22:34 - Uwumbɔr aagbaŋ

³⁴ Rubenn ni Gad yaab nan bui ke, “Libimbiln lee ye seeraa ke Uwumbɔr le ye Tidindaan.” Kina pu le bi nan yin libimbiln ngbaan ke, “Seeraa.”

Josua 22:34 ပူးပေါင်းရင်းမြစ်များ

Mpiin 31:47

Labann aaliin ponn ni u nan yin nima chee ke, Jegar Sahadufa. Le Jakob mu aaliin ponn ni, u yin nima chee ke Galeed,

Mpiin 31:48

Le Labann bui Jakob ke, “Ŋitakpal ŋi ti kuun bil na le ga cha ti li teer kimɔbaan ngbaan.” Nima le cha bi yin nima chee ke Galeed.

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Matiu 4:10

Le Yesu bui ki ke, “Kinimbɔŋ, li cha. Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Josua 22:27

ti ŋa kina ke ni li ye limɔkl ki tii nimi aanib, ni timi yaab, ki ki tii binib bi paa ni ti pu na, aan nima kan, timɔk kpaan ki li dooni Uwumbɔr, Waabool baan ni, ki li toor libimbiln baan pu kitork ki bi joo seer mmii ni na, ni kitork kiken, ni kimɔbaan aatork. Nimina le ga kiir niyaabitiib, bi taa len ke tiyaabitiib aan ŋmaa dii Uwumbɔr.

Josua 24:27

le ki bui binib ngbaan ke, “Litakpal limina le ye timi aaseeraadaan. Litakpal ngbaan ŋun Uwumbɔr aah bui timi tibɔr ti na mɔmɔk. Kina pu na, lima le ye seeraa ki ga li teer nimi, ni taa yii nimi Aawumbɔr aamɔb.”