Josua 22:27 - Uwumbɔr aagbaŋ

²⁷ ti ŋa kina ke ni li ye limɔkl ki tii nimi aanib, ni timi yaab, ki ki tii binib bi paa ni ti pu na, aan nima kan, timɔk kpaan ki li dooni Uwumbɔr, Waabool baan ni, ki li toor libimbiln baan pu kitork ki bi joo seer mmii ni na, ni kitork kiken, ni kimɔbaan aatork. Nimina le ga kiir niyaabitiib, bi taa len ke tiyaabitiib aan ŋmaa dii Uwumbɔr.

Josua 22:27 ပူးပေါင်းရင်းမြစ်များ

Mpiin 31:48

Le Labann bui Jakob ke, “Ŋitakpal ŋi ti kuun bil na le ga cha ti li teer kimɔbaan ngbaan.” Nima le cha bi yin nima chee ke Galeed.

Mpiin 31:52

Tiwan nilee ngbaan le ga li teer timi. M kii ke nwiin mbaa daal, maan lakr ŋitakpal ŋee pu jer ke m nan ban si kijaak, aa mu taa ŋa kina.

Ilahn 16:5

Uwumbɔr, sin le ye maawangol, le aa tii mi maah ban pu na; maataak ki ga woln na bi sin le aaŋaal ni.

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Josua 22:10

N‑yoonn mu Rubenn ni Gad aanibol, ki kpee Manase aanibol ligeln, bi ye liwipuul wɔb yaab na nan ti fuu Gelilof aatiŋ ni, ki nan bi Jɔɔdann Aamɔɔl aawilir wɔb na, le bi maa kitork aabimbiln sakpeln nyanyaan libaa, limɔɔl chee nima.

Josua 22:26

Nima pu le ti maa kitork aabimbiln ngbaan, naa ye ke ti ban ti see kitork ki tii ipiin li pu la,

Josua 22:28

Ti dak le ke ni yaa dan kina kan, tiyaabitiib ga ŋmaa bui ke, ‘Lik man, tiyaajatiib mu maa kitork aabimbiln li naan Uwumbɔr yaan na la. Baa maa li ke bi li seer kitork ki tii ipiin li pu, ni ye limɔkl le ki tii nimi ni timi aamaal.’

Josua 22:34

Rubenn ni Gad yaab nan bui ke, “Libimbiln lee ye seeraa ke Uwumbɔr le ye Tidindaan.” Kina pu le bi nan yin libimbiln ngbaan ke, “Seeraa.”

Josua 24:27

le ki bui binib ngbaan ke, “Litakpal limina le ye timi aaseeraadaan. Litakpal ngbaan ŋun Uwumbɔr aah bui timi tibɔr ti na mɔmɔk. Kina pu na, lima le ye seeraa ki ga li teer nimi, ni taa yii nimi Aawumbɔr aamɔb.”

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”