Josua 22:20 - Uwumbɔr aagbaŋ

²⁰ Ni teer Sera aajapɔɔn u bi nan yin u ke Akann na bɔr, u nan yii Uwumbɔr aamɔb le ki yoor tiwan ni ye Uwumbɔr yaan na, le Uwumbɔr nan daa Israel yaab mɔmɔk aatafal, naa nan ye Akann baanja le nan kpo titunwanbir ngbaan pu.”

Josua 22:20 ပူးပေါင်းရင်းမြစ်များ

2 Bibɔrb Aabɔr 24:18

Kina pu na, binib ngbaan aa nan ki dooni biyaajatiib Aadindaan Uwumbɔr, Waadichal ni. Bi nan piin ki dooni ŋiwaa, ni liwaapii Asera aanaŋ ti bi maa maa siin na la. Baabɔr aah nan bii titunwanbir tee pu na le nan cha Uwumbɔr aaŋuul fii Juda ni Jerusalem aatim pu.

Job Aagbaŋ 35:8

Aanibɔn ŋeen aatɔ le ji falaa saatunwanbir pu, le ki ki kani nterm saaŋann pu.

Liifai Yaab 10:6

Moses nan ki bui Aaronn ni ujapɔtiib bilee bi gur ki bi, aan bi yin bi ke Eleasar ni Itamar na ke, “Ni toor nimi aayikpir, ki taa kar nimi aawanpeenkaan, ki taa cha nisui bii ninaabitiib ngbaan pu. Ni yaa cha nisui bii bi pu kan, ni mu ga kpo; le Uwumbɔr ga gee liŋuul ŋa Israel yaab mɔmɔk pu. Tɔ, nido yaab Israel yaab bi gur na wii baakpuul, Uwumbɔr aah cha mmii ku ninaabitiib na pu.

1 Korenti 10:6

Tibɔr timina ye nsurm le ki tii timi, ke ti taa ban tiwan ni kaa ŋan na, ke baah nan ban pu na.

Josua 22:21

Le Rubenn ni Gad aanibol, ni Manase aanibol ligeln aanib nan giin bui liwilir wɔb aanibol aaninkpiib ke,

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:18

Le u joo ni Sabdi aamaal ponn ni upiijoor upiijoor, le Uwumbɔr nyan Akann, u ye Kami aajapɔɔn ki ye Sabdi aayaabil na.

Josua 7:24

Le Josua ni Israel yaab mɔmɔk kpaan yoor Akann, ni tikunabr, ni libɔkul, ni salmaa ngbaan, ki kpee Akann aabim, ni waawakor, ni waabool, ni tiwan nimɔk u kpa na, ki di buen Tibɔbir Aafataŋ ni.

Josua 7:5

Ai aajab nan san dii bi ki ti nyan baatiŋ aabisamɔb chee, ki ti saa ŋifakujoo ŋibaa chee; baah bi sunni ligongoln na, le bi ku bi ponn ni bijab bi ga pii piitaa ni biloob na. Israel yaab aataakpab nan yɔl, le ijawaan chuu bi.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.