Josua 22:18 - Uwumbɔr aagbaŋ

¹⁸ Ni yaa yii Uwumbɔr aamɔb din wee kan, u ga gee liŋuul Israel yaab mɔmɔk pu.

Josua 22:18 ပူးပေါင်းရင်းမြစ်များ

2 Samuel 24:1

Uwumbɔr nan ki gee Israel yaab pu liŋuul, le ki cha David ban tibɔr tii bi. Uwumbɔr nan bui u ke, “Li cha ki ti kahn Israel ni Juda aanib.”

1 Bibɔrb 9:6

Tɔ, si, bee aayaabitiib, yaa yii, kaa dii mi, ki yii ikaal, ni maah bui nimi pu na mɔmɔk, ki dooni ŋiwaa kan,

2 Bibɔrb 17:21

Uwumbɔr aah yakr Israel yaab, Juda yaab chee doo na, le Israel yaab di Nebat aajapɔɔn Jeroboam ŋa baabɔr. Jeroboam nan cha bi suln Uwumbɔr bɔr, le ki di bi koon titunwanbir kpaan ni.

1 Bibɔrb Aabɔr 21:1

Kinimbɔŋ nan ban tibɔr tii Israel yaab, kina le ki nan cha David ŋa nlandak ke u kahn waanib.

1 Bibɔrb Aabɔr 21:14

Kina pu le Uwumbɔr cha iween lir Israel yaab pu, le bi ponn ni ŋichur imonko itaa ni kipiik kpo,

2 Bibɔrb Aabɔr 25:27

Ki nyan bundaal u nyan Uwumbɔr aapuwɔb na, bi nan gur kpokl u pu n‑yoonn mɔmɔk, Jerusalem ni la. Kookoo na le u nan san buen Lakis aatiŋ ni. Tɔ, waadim mu nan beenin paa u pu nima le ki ti ku u.

2 Bibɔrb Aabɔr 34:33

Ubɔr Josia nan gbaa ber ŋiwaa ŋi sukr ponn ni na, Israel yaab aapepel mɔmɔk ni, le n‑yoonn mumɔk u nan bi limɔfal ni na, u nan cha binib ngbaan dii biyaajatiib Aadindaan Uwumbɔr.

Liifai Yaab 10:6

Moses nan ki bui Aaronn ni ujapɔtiib bilee bi gur ki bi, aan bi yin bi ke Eleasar ni Itamar na ke, “Ni toor nimi aayikpir, ki taa kar nimi aawanpeenkaan, ki taa cha nisui bii ninaabitiib ngbaan pu. Ni yaa cha nisui bii bi pu kan, ni mu ga kpo; le Uwumbɔr ga gee liŋuul ŋa Israel yaab mɔmɔk pu. Tɔ, nido yaab Israel yaab bi gur na wii baakpuul, Uwumbɔr aah cha mmii ku ninaabitiib na pu.

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 32:15

Nima pu na, nimi Rubenn ni Gad yaab yaa yii ke naan dii u kan, waah nan ŋa nitetiib pu na, u ga ki ŋa ni mu kina, ki bii ni mɔmɔk nteersakpiin mue ni, le ni yaa cha u ŋa kina kan, binib ngbaan aasin ga li bi nimi le pu.”

Ikaal 7:4

Ba pu? ni yaa ŋa kina kan, bi ga cha nimi aabim yii Uwumbɔr, le ki dooni ŋiwaa. Ni yaa ŋa kina kan, Uwumbɔr aaŋuul ga fii ni pu, le u kuln nimi doo.

Josua 22:15

Le bi ti fuu Gilead aatiŋ ni, Rubenn ni Gad aanibol, ni Manase aanibol ligeln bi bi liwipuul wɔb na chee.

Josua 22:16

Baah nan kpaan ki ye Uwumbɔr aanib aasalolm pu na, le bi bui bi ke, “Ba ŋa ni ŋa titunwanbir timina aaboln timi Israel yaab Aawumbɔr aanimbiin ni? Ni yii Uwumbɔr aamɔb, le ki maa kitork aabimbiln limina tii nibaa, kaa di li tii Uwumbɔr.

Josua 22:20

Ni teer Sera aajapɔɔn u bi nan yin u ke Akann na bɔr, u nan yii Uwumbɔr aamɔb le ki yoor tiwan ni ye Uwumbɔr yaan na, le Uwumbɔr nan daa Israel yaab mɔmɔk aatafal, naa nan ye Akann baanja le nan kpo titunwanbir ngbaan pu.”

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:11

Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

1 Samuel 12:14

Nimi ni nimi aabɔr yaa nyuŋ Nidindaan Uwumbɔr ki tun tii u, ki ŋun tii u, ki dii waakaal, ki dii u mbamɔn kan, tiwan mɔmɔk ga li ŋan tii ni mɔmɔk.

1 Samuel 12:20

Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.