Josua 22:10 - Uwumbɔr aagbaŋ

¹⁰ N‑yoonn mu Rubenn ni Gad aanibol, ki kpee Manase aanibol ligeln, bi ye liwipuul wɔb yaab na nan ti fuu Gelilof aatiŋ ni, ki nan bi Jɔɔdann Aamɔɔl aawilir wɔb na, le bi maa kitork aabimbiln sakpeln nyanyaan libaa, limɔɔl chee nima.

Josua 22:10 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 28:18

Naah chaa woln ni na, le Jakob pue fii kichakpiik ni, le ki yoor litakpal li u nan di uyil kur na, le ki di ŋum nima chee aan li li ye litakpateerkaan. U nan di nkpan kpir litakpal ngbaan pu ki di li tii Uwumbɔr,

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Josua 22:11

Tɔ, binib bibaa nan tuk Israel yaab biken na ke, “Li pel man, Rubenn ni Gad aanibol, ni Manase aanibol ligeln maa kitork aabimbiln sakpeln libaa Gelilof aatiŋ ni, ni bi timi aapepel wɔb, Jɔɔdann Aamɔɔl chee.”

Josua 22:9

Kina le Rubenn ni Gad aanibol, ki kpee Manase aanibol ligeln liken na, gir kun. Bi nan buen ki cha Israel yaab bi gur na, le bi gaar Silo aatiŋ ki bi Kanaann ni na, le ki chaa kun baatiŋ ni, bi yin ki ke Gilead. Kitiŋ ngbaan le Uwumbɔr nan bui Moses ke u di tii bi.