Josua 21:44 - Uwumbɔr aagbaŋ

⁴⁴ Uwumbɔr nan tii bi nsuudoon, kitiŋ ngbaan mɔmɔk ni, ke waah nan puu tii biyaajatiib pu na. Le baadim ponn ni ubaa kina aa ŋmaa ŋa bi nibaa, ba pu? Uwumbɔr le nan tii bi linyaŋ baadim mɔmɔk pu.

Josua 21:44 ပူးပေါင်းရင်းမြစ်များ

2 Bibɔrb Aabɔr 13:16

Juda yaab nan jenn Israel yaab, le Uwumbɔr cha bi nyaŋ bi pel pel.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Nnyam 33:14

Le Uwumbɔr bui u ke, “M mamaŋ ga dii si buen, le ki ga tii si lifuur.”

Aisaya 63:14

Baah peer inaa chaa kifataŋ ki kpa timoor na ponn ni pu na, kina le Uwumbɔr tii waanib lifuur. U loln waanib pu nsan ki cha waayimbil kan bunyuŋ.

Ikaal 2:36

Tidindaan Uwumbɔr le nan cha ti gaa ntim ngbaan mɔmɔk, ki nyan Aroer aatiŋ ni, ki di dii Anonn aafataŋ aagbaan, ni kitisakpeŋ ki mu bi kifataŋ ngbaan aakaasisik ni na, ki di ti ker Gilead aatiŋ. Ntim ngbaan mɔmɔk aagon aa nan pɔɔ nyaŋ timi.

Ikaal 21:10

“Nidindaan Uwumbɔr yaa tii nimi linyaŋ butɔb ni, aan ni chur binaagbiib kan,

Hiibru Yaab 4:9

Naah bi pu na, lifuur beenin bi ki tii Uwumbɔr aanib.

Josua 1:13

“Teer man Uwumbɔr aatutunn Moses aah nan tuk nimi, ke Nidindaan Uwumbɔr ga di kitiŋ ki bi Jɔɔdann aawipuul aapepel wɔb na tii nimi, ni li koo ki ponn ni.

Josua 1:15

aan bi ti gaa ki koo kitiŋ ki bi Jɔɔdann aawilir wɔb aan Nidindaan Uwumbɔr di tii bi na. N‑yoonn mu u ti tii Israel aanibol mɔmɔk lifuur na kan, ni ga ŋmaa gir dan ki nan kal nibaa aatiŋ pu, Jɔɔdann aawipuul wɔb, kitiŋ ki Uwumbɔr aatutunn Moses nan di tii nimi na.”

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 11:12

Josua nan nyaŋ bibɔrb ngbaan, ni baatim mɔmɔk, ki ku binib ngbaan mɔmɔk, ke Uwumbɔr aatutunn Moses aah nan bui u ke u ŋa pu na.

Josua 11:23

Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.

Josua 11:8

Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 22:4

Dandana wee, waah nan puu pu na, Nidindaan Uwumbɔr tii niŋeen aatɔtiib Israel yaab biken nsuudoon a. Kina pu na, gir kun kitiŋ ki pu ni nan gaa ki ye nimi yaan na, kitiŋ ki bi liwipuul, Jɔɔdann aamɔɔdapuul wɔb na, kitiŋ ki Uwumbɔr aatutunn Moses nan di tii nimi na.

Josua 22:9

Kina le Rubenn ni Gad aanibol, ki kpee Manase aanibol ligeln liken na, gir kun. Bi nan buen ki cha Israel yaab bi gur na, le bi gaar Silo aatiŋ ki bi Kanaann ni na, le ki chaa kun baatiŋ ni, bi yin ki ke Gilead. Kitiŋ ngbaan le Uwumbɔr nan bui Moses ke u di tii bi.

Josua 23:1

Naah bi cha na, le Uwumbɔr tii Israel yaab linyaŋ baadim pu, le bi kan nsuudoon. N‑yoonn ngbaan Josua nan por pam,