Josua 21:38 - Uwumbɔr aagbaŋ

³⁸ Gad aanibol aapepel wɔb, bi nan nyan ntim munaa le tii bi, muma le nan ye Ramof aatiŋ ki nan bi Gilead ni na, ni kaamopɔɔk, ki nan ye mbɔbɔryaan aatiŋ kibaa la, ni Mahanaim,

Josua 21:38 ပူးပေါင်းရင်းမြစ်များ

Mpiin 32:2

Buyoonn u kan bi na, le u bui ke, “Uwumbɔr aatuuntiib sɔ,” nima le u nan yin nima chee ke Mahanaim.

2 Samuel 17:24

Buyoonn Absalom ni Israel yaab ti puur Jɔɔdann aamɔɔl na, David ni waajab nan fuu Mahanaim aatiŋ ni.

2 Samuel 19:32

Basilai nan por pam, u nan ye ŋibin imonko inaa aanii la. U nan ye uwankpadaan la, le ki nan tii ubɔr tijikaar, buyoonn u nan bi Mahanaim aatiŋ ni na.

2 Samuel 2:8

Sɔɔl aajab aaninkpel Abner, u ye Ner aajapɔɔn na, nan di Sɔɔl aajapɔɔn Isbosef san puur Jɔɔdann aamɔɔl, ki buen Mahanaim aatiŋ ni.

1 Bibɔrb 22:3

Ahab nan baa waaninkpiib ke, “Ba ŋa taa pɔɔn tibaa ke ti gaa Ramof aatiŋ ki bi Gilead aatiŋ pu na Siria aabɔr chee? Ki ye timi aatiŋ la.”

1 Bibɔrb 4:13

Ben‑Geber le nan yeh Ramof aatiŋ ki bi Gilead ni na, ni ntimbim mu bi Gilead ni, ki ye Jair, u aayaaja ye Manase na aataŋaal pu aatim na, ni Agob aatiŋ ki bi Basann ni na aapepel, ki ti kpaan ntikpaam imonko itaa mu bi maa ŋigon gob mu, ki kpa tikumann aadɔ mu aabisamɔi aajaaleŋ ni na.

1 Bibɔrb 4:14

Ido aajapɔɔn Ahinadab le nan yeh Mahanaim aapepel.

1 Bibɔrb Aabɔr 6:80

Gad aapepel ni, baatim le nan ye Ramof aatiŋ ki bi Gilead ni na, ni Mahanaim,

Ikaal 4:43

Moses nan nyan Beser aatiŋ ki bi nteersakpiin aajool li bi taar na pu le siin Rubenn aamaal yaab; le ki nyan Ramof aatiŋ ki bi Gilead aapepel ni na siin Gad aamaal yaab; ki nyan Golann aatiŋ ki bi Basann aapepel ni na siin Manase aamaal yaab.

Josua 13:26

Baatiŋ nan ki yoor ki nyan Hesbonn aatiŋ, ki ti saa Ramaf Mispa, ni Betonim; ki nyan Mahanaim aatiŋ, ki di naa Lodebar aatiŋ mɔk na,

Josua 13:30

Baatiŋ mɔk nan yoor ni Mahanaim aatiŋ, ki kpee ubɔr Og aanaan mɔmɔk mu nan ye Basann aatim mɔmɔk na, ni Jair aatingbaan imonko itaa i bi Basann ni na,

Josua 20:8

le Jɔɔdann Aamɔɔl aawipuul wɔb, nteersakpiin mu bi lijool li aapaacham bi taar na, Jeriko aawipuul wɔb na, bi nan nyan Beser aatiŋ ki bi Rubenn aanibol aatiŋ ni na, le ki ki nyan Ramof aatiŋ ki bi Gilead ni, ki bi Gad aanibol aapepel ni na, le ki ki nyan Golann aatiŋ ki bi Basann ni, ki bi Manase aanibol aapepel ni na.

Josua 21:37

ni Kedemof, ni Mefaaf aatim, ni mu aamopɔr.

Josua 21:39

ni Hesbonn, ni Jaser aatim, ni mu aamopɔr.