Josua 21:16 - Uwumbɔr aagbaŋ

¹⁶ ni Ayinn, ni Juta, ni Bef Semes, ni mu aamopɔr mu: mu nan ye ntim muwae, le ki bi Juda ni Simeonn aanibol aatim ni, bi nan di mu tii utotoor Aaronn aamaal ni yaab.

Josua 21:16 ပူးပေါင်းရင်းမြစ်များ

1 Bibɔrb 4:9

Ben‑Deker le nan yeh Makas, ni Saalbim, ni Bef Semes, ni Elonn, ni Bef Hanann aatim.

1 Bibɔrb Aabɔr 4:32

Bi nan ki koo ntim muŋmu mumina; Etam, ni Ayinn, ni Rimonn, ni Tokenn, ni Asann ponn ni,

2 Bibɔrb Aabɔr 25:21

Kina pu na, Israel Aabɔr Jehoas ni Juda Aabɔr Amasia nan faa tɔb butɔb. Bi nan ti pii tɔb Bef Semes aatiŋ ki bi Juda ni na la.

Josua 15:10

Nima chee le ki mann gonn Baala aatiŋ liwilir wɔb, ki fenn kpaa ŋigongon aatiŋ ki bi yin ki ke Edom na, le ki di dii buen Jearim, bee Kesalonn, Aajool aaŋangan wɔb, ki di sunn taab ki ti ker Bef Semes, le ki dii Timna aatiŋ ni.

Josua 15:32

ni Lebaof, ni Silim, ni Ayinn, ni Rimonn aatim: ntim ngbaan mɔmɔk nan ti saa moninko ni muwae la, le ki kpee itingbaan i bi gbɔk mu na.

Josua 15:42

Mu nan ki kpee na le ye Libna, ni Eter, ni Asann,

Josua 15:55

Ntim mu nan ki bi na le nan ye Maonn, ni Kamel, ni Sif, ni Juta,

1 Samuel 6:12

Inaa ngbaan nan siir le ki di toŋ Bef Semes ki kpaa tok ki, kaa par nsan ni nibaa chee. I nan cha le ki wooni. Filistia aabɔrb biŋmu ngbaan nan dii i ki ti saa Bef Semes aatiŋ mɔk.

1 Samuel 6:9

ki li si lik i, i li cha; i yaa di toŋ Bef Semes aatiŋ ni kan, ni mɔk ke Israel yaab Aawumbɔr le tun ni nimi tibɔbir sakpen ngbaan. I yaa kaa toŋ nima kan, ti ga bee ke naa ye uma le tun ni tibɔbir ngbaan, ti dan tibaa pu la.”