Josua 20:8 - Uwumbɔr aagbaŋ

⁸ le Jɔɔdann Aamɔɔl aawipuul wɔb, nteersakpiin mu bi lijool li aapaacham bi taar na, Jeriko aawipuul wɔb na, bi nan nyan Beser aatiŋ ki bi Rubenn aanibol aatiŋ ni na, le ki ki nyan Ramof aatiŋ ki bi Gilead ni, ki bi Gad aanibol aapepel ni na, le ki ki nyan Golann aatiŋ ki bi Basann ni, ki bi Manase aanibol aapepel ni na.

Josua 20:8 ပူးပေါင်းရင်းမြစ်များ

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

2 Bibɔrb 8:28

Ubɔr Ahasia nan ti kpee Israel yaab aabɔr Joram pu, le bi faa Siria yaab aabɔr Hasael butɔb. Bijab ngbaan nan ti di biyil kpaa tɔb Ramof aatiŋ ki bi Gilead aatiŋ pu na ni la, le Joram nan kan titotonn butɔb ngbaan ni.

1 Bibɔrb Aabɔr 6:78

Rubenn aapepel li bi Jɔɔdann Aamɔɔl aawipuul wɔb, Jeriko aapuwɔb na ni, baatim le nan ye Beser ki bi kitiŋ ki bi taar na pu na, ni Jasa,

1 Bibɔrb Aabɔr 6:80

Gad aapepel ni, baatim le nan ye Ramof aatiŋ ki bi Gilead ni na, ni Mahanaim,

Ikaal 3:10

Ti nan gaa Basann aatiŋ aabɔr Og aapepel mɔmɔk doo; ntim mu nan bi ŋigongon ŋi bi taar na pu, ki kpee Gilead ni Basann aapepel, li di ti nyan Saleka ni Edrei aatim mu bi liwipuul wɔb na.”

Ikaal 4:43

Moses nan nyan Beser aatiŋ ki bi nteersakpiin aajool li bi taar na pu le siin Rubenn aamaal yaab; le ki nyan Ramof aatiŋ ki bi Gilead aapepel ni na siin Gad aamaal yaab; ki nyan Golann aatiŋ ki bi Basann aapepel ni na siin Manase aamaal yaab.

Josua 20:7

Nima pu na, Jɔɔdann Aamɔɔl aawilir wɔb na, bi nan nyan Kedes aatiŋ ki bi Galilee aatiŋ ni na la, ki nan bi ŋigongon aatiŋ ni, ki ye Naftali aanibol aatiŋ na, le ki ki nyan Sekem aatiŋ ki nan bi ŋigongon aatiŋ ni, ki ye Efraim aanibol aatiŋ na, le ki ki nyan Hebronn aatiŋ ki nan bi ŋigongon aatiŋ ni, ki ye Juda aanibol aatiŋ na,

Josua 20:9

Ntim mu bi nan nyan, mu ye mbɔbɔryaan aatim ki tii Israel yaab mɔmɔk, ni biwɔwɔm bi nan koo bi chee na le bi na. Le unii umɔk aa nan nyi ki ku uken na kan, u ga ŋmaa san ti koo nima chee, ki ŋmar unii u ban u ku u teen lipɔln na chee; baan ŋmaa ku u see bi jin waabɔr waahr ki kan ke waabɔr bii a.

Josua 21:27

Liifai aanibol aaker li nan ye Gesonn aataŋaal pu yaab na mu, bi nan nyan ntim mulee le Manase aanibol aapepel li nan bi liwipuul wɔb na tii bi, muma le nan ye Golann aatiŋ ki nan bi Basann ni na, ki nan ye mbɔbɔryaan aatiŋ kibaa la, ni Beestera aatiŋ, ni mu aamopɔr.

Josua 21:36

Rubenn aanibol aapepel wɔb, bi nan nyan ntim munaa le tii bi, muma le nan ye Beser, ni Jahas,

Josua 21:38

Gad aanibol aapepel wɔb, bi nan nyan ntim munaa le tii bi, muma le nan ye Ramof aatiŋ ki nan bi Gilead ni na, ni kaamopɔɔk, ki nan ye mbɔbɔryaan aatiŋ kibaa la, ni Mahanaim,