Josua 20:3 - Uwumbɔr aagbaŋ

³ Unii yaa kaa nyi ki peln ku uken, aan utekpiir ngbaan aanii yaa ban u ku udaan kan,

Josua 20:3 ပူးပေါင်းရင်းမြစ်များ

2 Samuel 14:11

Le u ki bui ke, “Mpɔɔndaan, m gaŋ si ke aa mee Aadindaan Uwumbɔr, aan maanib bi ye ke bi teen njapɔɔn aapɔln na taa ku njapɔɔn u gur na, ki moo koo taani ni.” Le David bui u ke, “M puu Uwumbɔr u bi n‑yoonn mɔmɔk na ke nibaa aan ŋa aajapɔɔn.”

Liifai Yaab 4:2

ke u tuk Israel yaab ke ubaa yaa kaa nyi ki peln bii Uwumbɔr aakaal kan, waah ga ŋa pu na sɔ:

Nkahm 35:12

U yaa san ti koo nima chee kan, waah ku u na aado aanii aan ki pii u ki ku u mu. Baah galn unii u ke u ku uken na, bi taa ku u see bi jin waabɔr binib aanimbil ni.

Nkahm 35:19

Linikpol ngbaan aado aanii kpa nsan ke u ku u teen. U yaa pii u kan, u ku u.

Nkahm 35:22

“Tɔ, unii yaa kaa nyi le ki peln ku uken kaa nan u kan, u yaa tur u lii, bee u yaa mee u tiwan le ki ku u,

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Josua 20:2

ke u bui Israel aanib ngbaan ke, “Maah nan bui Moses pu na, nyan mbɔbɔryaan aatim man.

Josua 20:4

u san buen mbɔbɔryaan aatiŋ ngbaan kibaa ponn ni, ki buen kitiŋ ngbaan aabisamɔb, nin chee bi ji binib tibɔr na, ki ti kpiir len kitiŋ ngbaan aaninkpiib chee tiwan ni u ŋa na. Le bi ga cha u li koo kitiŋ ngbaan ni, ki tii u nibaa chee u li koo aan ki li bi nima.