Josua 19:34 - Uwumbɔr aagbaŋ

³⁴ Nima chee le ki fenn ki di kina ki toŋ liwilir wɔb ki ti fuu Asnof Tabor aatiŋ ni, ki nyan nima ti ker Hukok aatiŋ ni, le ki ti pii Sebulunn aatiŋ mɔk ŋŋangii wɔb. Aser aatiŋ nan bi kitiŋ ngbaan aawilir wɔb, le Jɔɔdann Aamɔɔl bi kitiŋ ngbaan aawipuul wɔb.

Josua 19:34 ပူးပေါင်းရင်းမြစ်များ

Ikaal 33:23

U nan ŋa tinyoor ŋa Naftali aanibol pu le ki bui ke, “Uwumbɔr ŋa tinyoor sakpen ŋa Naftali aanibol pu, ki cha waabulchinn li bi bi chee. Baatiŋ mɔk le yoor ŋŋangii wɔb ki ti ker Galilee Aanyusakpem mɔk.”

Josua 19:12

Sarid aapepel liken na, ki yoor kina ki di buen liwipuul ki ti ker Kislof Tabor aatiŋ aanaanmɔk, le ki yoor nima ti ker Daberaf, ki ti saa Jafia,

Josua 19:22

Baatiŋ aanaanmɔk nan ki di ti pii Tabor, ni Sahasuma, ni Bef Semes, le ki di ti doo Jɔɔdann Aamɔɔl mɔk. Mu nan kpaan ntim kipiik ni muloob la, le ki kpee itingbaan i bi gbɔk mu na.

Josua 19:33

Baatiŋ aanaan nan di kina ti nyan Helef aatiŋ ni, ki di ti pii busub sakpiin bu bi Saananim aapepel ni na, ki di kina ti ker Adami Nekeb aatiŋ ni, ki yoor ti nyan Jamnia aatiŋ ni, le ki jer ti nyan Lakum aatiŋ ni, ki ti doo Jɔɔdann Aamɔɔl chee.

Josua 19:35

Ntim mu bi nan maa ŋigon kiir mu na le nan ye Sidim, ni Ser, ni Hamaf, ni Rakaf, ni Kineref,