Josua 18:8 - Uwumbɔr aagbaŋ

⁸ Bijab ngbaan nan buen bi ti yakr kitiŋ ngbaan, Josua aah mɔk bi pu na. U nan bui bi ke, “Ni buen kitiŋ ngbaan mɔmɔk ni, ki geei ki ŋiker ŋiker aan ki gir ni m chee man. Silo aatiŋ kee ponn ni, le m ga too inaan ki baa Uwumbɔr u mɔk mi maah ga yakr kitiŋ ngbaan pu na.”

Josua 18:8 ပူးပေါင်းရင်းမြစ်များ

Mpiin 13:17

Tɔ, chuun ki mann kitiŋ ngbaan mɔmɔk; ba pu? m ga di kitiŋ ngbaan mɔmɔk ki di tii si.”

Aisaya 34:17

Uwumbɔr le ga yakr kitiŋ ngbaan tii tiwan ngbaan, ki tii ni mɔmɔk naatim. Ni ga li koo kitiŋ ngbaan pu n‑yoonn mɔmɔk, aan ki li ye naatiŋ n‑yoonn mu kaa kpa ndoon na.

Rom Yaab 14:19

Nima pu na, ni li pɔɔni nibaa aan ki li kpaan kimɔbaan, aan ki ter tɔb ke ni dii Uwumbɔr aasan mbamɔm.

Josua 13:7

Dandana wee, yakr kitiŋ kee ki tii Israel yaab ŋinibol ŋiwae ŋi gur na, ni Manase aanibol ligeln li gur na, aan ki li ye baatiŋ.”

Josua 15:1

Kitiŋ ki bi nan yakr tii Juda aanibol na le paa na: Kitiŋ ngbaan nan yoor kina ki ti saa ŋŋangii wɔb, ki di ti ker Sinn Aateersakpiin aaŋangii wɔb, ki di ti naa Edom aatiŋ mɔk.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Josua 18:6

Ni ŋmee naah ban ni yakr kitiŋ pu na ŋiker ŋilole ŋa kigbaŋ ni, aan ki li joo ni m chee. Le m ga too inaan ki baa Tidindaan Uwumbɔr aan u mɔk mi linibol mɔmɔk ni laapepel.

Josua 18:9

Nima pu na, bijab ngbaan nan buen kitiŋ ngbaan ni le ki ti ŋa ni mɔmɔk, ki ŋmee baah yakr ki ŋipepel ŋilole pu na, le ki ŋmee ntim ngbaan aayimbil ŋa ŋipepel mɔmɔk ni, le ki gir buen Josua chee, Silo aatiŋ ni.

1 Samuel 14:41

Sɔɔl nan bui Uwumbɔr u ye bima Israel yaab Aadindaan na ke, “Uwumbɔr, ba ŋa saa gar mi din wee? Uwumbɔr u ye Israel yaab Aadindaan na, di ŋitakpal ŋi bi joo beer saageehn na gar mi. Tibɔbir yaa bi Jonatann, bee min pu kan, di Urim aatakpal mɔk; tɔ, ni yaa ye saanib Israel yaab kan, di Tumim aatakpal mɔk.” Le ngarm ngbaan lir Jonatann ni Sɔɔl pu, le binib ngbaan nyan.