Josua 18:6 - Uwumbɔr aagbaŋ

⁶ Ni ŋmee naah ban ni yakr kitiŋ pu na ŋiker ŋilole ŋa kigbaŋ ni, aan ki li joo ni m chee. Le m ga too inaan ki baa Tidindaan Uwumbɔr aan u mɔk mi linibol mɔmɔk ni laapepel.

Josua 18:6 ပူးပေါင်းရင်းမြစ်များ

Ilahn 105:11

U bui ke, “M ga di Kanaann aatiŋ tii si, ki ga li ye saatiŋ la.”

Ŋiyataŋak 16:33

Unibɔn too inaan ke u di bee Uwumbɔr aageehn, tɔ, Uwumbɔr ubaa le nyi waah ga gar pu na.

Ŋiyataŋak 18:18

Bipɔɔndam bilee yaa kpak tɔb libɔjil ni kan, too inaan ki cha Uwumbɔr kuln tibɔr ngbaan.

Nkahm 33:54

Ni too inaan ki yakr kitiŋ ngbaan ki tii ŋinibol, ni itaŋaal ni yaab mɔmɔk. Bi aataŋaal yaab wiir na kan, ni gii kitiŋ ki li wiir ki tii bi, aan ki gii kitiŋ waatiir tii bi kaa wiir na mu.

Nkahm 34:13

Moses nan bui Israel yaab ke, “Naah ga too inaan ki yakr kitiŋ ki na le na. Kitiŋ ki Uwumbɔr di tii ŋinibol ŋiwae ni ligeln na le na.

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Josua 14:2

Uwumbɔr aah nan bui Moses ke u ŋa pu na, bi nan too inaan le ki yakr ntim tii Israel yaab aanibol ŋiwae ni ligeln ŋi nan bi Jɔɔdann aawilir wɔb na.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Josua 18:7

Mbamɔn, Liifai yaab ma kan, maan yakr kitiŋ kibaa tii bi ke nimi bi gur na aah ga kan pu na, ba pu? biyaan le ye ke bi ye Uwumbɔr aatotoorb. Gad, ni Rubenn, ni Manase aanibol ligeln bi bi Jɔɔdann Aamɔɔl aawipuul na mu kan kitiŋ ki bi liwipuul wɔb ngbaan na. Uwumbɔr aatutunn Moses le nan di ki tii bi.”

Josua 18:8

Bijab ngbaan nan buen bi ti yakr kitiŋ ngbaan, Josua aah mɔk bi pu na. U nan bui bi ke, “Ni buen kitiŋ ngbaan mɔmɔk ni, ki geei ki ŋiker ŋiker aan ki gir ni m chee man. Silo aatiŋ kee ponn ni, le m ga too inaan ki baa Uwumbɔr u mɔk mi maah ga yakr kitiŋ ngbaan pu na.”