Josua 18:28 - Uwumbɔr aagbaŋ

²⁸ ni Sela, ni Ha Elef, ni Jebus, bee Jerusalem, ni Gibea, ni Kiriaf Jearim aatim: ntim ngbaan mɔmɔk nan ti saa ntim kipiik ni munaa la, le ki kpee itingbaan i bi gbɔk mu na. Ntim mu Benjaminn aamaal nan gaa aan mu ye baatiŋ na le na.

Josua 18:28 ပူးပေါင်းရင်းမြစ်များ

2 Samuel 21:14

Le bi nan ti di Sɔɔl ni ujapɔɔn Jonatann aakpab sub Sɔɔl aate Kis aacheek ni, Sela aatiŋ ki bi Benjaminn aapepel ni na, ki ŋa tiwan nimɔk Ubɔr David nan bui ke bi ŋa na. Nee aapuwɔb, le Uwumbɔr kii baah mee limeel li baatiŋ pu na.

2 Samuel 5:6

N‑yoonn mubaa le Ubɔr David ni waajab nan gor ke bi ti tak Jerusalem. Le Jebus yaab bi koo nima chee na nan dak ke David aan ŋmaa nyaŋ kitiŋ ngbaan, le ki bui ke, “Saan ŋmaa koo ni do kpala; hali bijoom ni biwɔb ga ŋmaa nyaŋ si.”

2 Samuel 5:8

Liyaadaal ngbaan le David nan baa waajab ke, “Ubaa mu ki nan Jebus yaab ke mi na aa? Kinanansakpeŋ ki ga ku bi na aa? Kina kan, dii nnyunsan ngbaan man ki ti tak bijoom bi ye biwɔb ngbaan na.” Nima pu le bi len ke, “Bijoom ni biwɔb aan ŋmaa koo Uwumbɔr Aadichal ni.”

1 Bibɔrb Aabɔr 8:28

Bimina le nan ye ŋiyaajayil ni biyaabitiib kpaam bi nan koo Jerusalem ni na.

Aisaya 10:29

Bi dii kifataŋ kibaa ni ki fuu Geba ki doon nima. Ijawaan chuu Rama aatiŋ aanib sakpen a, le ubɔrkpaan Sɔɔl aatiŋ ki bi yin ki ke Gibea na aanib san.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Hosea 10:9

Uwumbɔr bui ke, “Israel yaab aah nan tun mi titunwanbir Gibea aatiŋ ni buyoonn na, baa kee di cha. Kina pu le butɔb ga pii bi Gibea aatiŋ ni.

Nkahm 26:38

Benjaminn aanibol ponn ni aamaal aanib le nan ye Bela, ni Asbel, ni Ahiram,

Nkahm 26:54

Aa yaa ban aa yakr kitiŋ ngbaan kan, aa cha bi too inaan, ki di kitiŋ ki wiir na tii linibol li aanib wiir na, ki di ki kaa wiir na tii linibol li aanib aa wiir na.”

Nkahm 33:54

Ni too inaan ki yakr kitiŋ ngbaan ki tii ŋinibol, ni itaŋaal ni yaab mɔmɔk. Bi aataŋaal yaab wiir na kan, ni gii kitiŋ ki li wiir ki tii bi, aan ki gii kitiŋ waatiir tii bi kaa wiir na mu.

Josua 15:63

Juda aanib aa nan ŋmaa jenn nyan Jebus yaab bi nan bi Jerusalem aatiŋ ponn ni na. Jebus yaab laa beenin bi nima, Juda aanib chee.

Josua 15:8

le ki bɔ nyan Hinom Aafataŋ ki bi ligongoln li Jebus yaab aatiŋ Jerusalem bi li paab na aaŋangii wɔb, le kimɔk ki yoor kina ki di dii ligongoln li bi Hinom Aafataŋ liwilir wɔb na paab, Refaim Aafataŋ aaŋangan wɔb,

Josua 18:16

le ki ki di kina buen lijool li bi Hinom Aafataŋ chee, Refaim Aafataŋ aaŋangan wɔb na, le ki ki bɔ dii Hinom Aafataŋ aaŋangii wɔb, Jebus yaab aadunduŋ aaŋangii wɔb, le ki buen Enn Rogel aatiŋ chee,

Josua 18:27

ni Rekem, ni Irpeel, ni Tarala,

Josua 19:1

Simeonn aanibol le nan paan lelee le bi yakr kitiŋ tii bi. Kitiŋ ngbaan mɔk nan di kina ki ti ker Juda aanibol aatiŋ mɔk la.

Bibɔjirb 1:21

Tɔ, Benjaminn aanibol ma aa nan jenn nyan Jebus yaab bi nan koo Jerusalem ponn ni na, le Jebus yaab ngbaan, ni Benjaminn aanibol aanib beenin kpaan koo nima.

Bibɔjirb 19:10

Uja ngbaan aa nan ki ban bi doon nima, kina pu le u ni upuu fii kal baasan pu, le waanaagbiija, ni ibon ilee i tu ŋitun na dii bi. Ni nan ti bi joor le bi peen Jebus aatiŋ, Jerusalem aatiŋ le na, le unaagbiija ngbaan bui waaninkpel ke, “Ba ŋa naa cha ti doon Jebus yaab aatiŋ kee ni?”

1 Samuel 10:26

Sɔɔl mu nan gir kun Gibea. Le bijab bi pɔɔ aan Uwumbɔr meeh bisui na dii u buen.