Josua 18:16 - Uwumbɔr aagbaŋ

¹⁶ le ki ki di kina buen lijool li bi Hinom Aafataŋ chee, Refaim Aafataŋ aaŋangan wɔb na, le ki ki bɔ dii Hinom Aafataŋ aaŋangii wɔb, Jebus yaab aadunduŋ aaŋangii wɔb, le ki buen Enn Rogel aatiŋ chee,

Josua 18:16 ပူးပေါင်းရင်းမြစ်များ

2 Samuel 17:17

Abiatar aajapɔɔn Jonatann ni Sadok aajapɔɔn Ahimaas nan bi Enn Rogel aayayak aanyunbun na chee, Jerusalem aanambokon ni, le ki kii; baa ban ke unii ubaa kan bi koo ni Jerusalem ponn ni. Unaagbiipiibo ubaa le nan chaa ti tuk bi naah bi pu na, le bi mu buen ti bui Ubɔr David.

2 Samuel 5:18

Filistia yaab nan fuu ni Refaim Aafataŋ ponn ni, ki nan gaa nima.

1 Bibɔrb 1:9

Daalbaadaal le Adonija nan di ipiih, ni inaaja, ni inaabi i bi kpiin i, aan i filk sakpen na toor kitork, “Uwaa Aatakpal” li bi Enn Rogel aayayak aanyunbun chee na. U nan chɔi Ubɔr David aajapɔtiib biken, ni ubɔr aaninkpiib bi nyan ni Juda aatiŋ ni na, ke bi dan kitork aajim ngbaan ni.

2 Bibɔrb 23:10

Ubɔr Josia nan ki bii kiwaachuk ki bi Hinom Aafataŋ ni, aan bi yin ki ke Tofef na, aan ubaa taa ki ŋmaa di ujapɔɔn bee ubisal kɔr toor kitork ki bi joo seer mmii ni na tii liwaal Molek.

1 Bibɔrb Aabɔr 14:9

Filistia yaab nan fuu ni Refaim Aafataŋ ponn ni ki gaa nima.

2 Bibɔrb Aabɔr 28:3

le ki seer nnyɔknii Hinom Aafataŋ ni. U nan kpaan di ujapɔtiib kɔr ki see mmii ni tii ŋiwaa, le ki tun titunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na aatun.

2 Bibɔrb Aabɔr 33:6

U nan di ujapɔtiib toor kitork ki di see mmii ni, Hinom Aafataŋ ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na, ni binib bi len bitekpiib chee tibɔr na chee. U nan tun Uwumbɔr titunwanbir sakpen le ki fiin waaŋuul.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Jeremia 19:11

ki bui bi ke Uwumbɔr Mpɔɔnsakpiindaan len ke, “M ga wii kitiŋ kee, ni binib bee, aan ni li bi ke tiyakr aabuul lee aah wii pu kaan ki kpaan pu na. Binib aah kaan ki kan mpaan pu ki sub baanib na, bi ga sub binib Tofef Aafataŋ kee ni.

Jeremia 19:2

aan m di bi dii mbisamɔb mu bi yin mu ke Kisanjaŋ Aabisamɔb na, ki di buen Hinom Aafataŋ ni. Nima chee le m ga ti di waah ga di waabɔr ti tuk mi na nabr bi.

Jeremia 19:6

Kina pu na, n‑yoonn ga fuu ni le baan ki yin do ke Tofef, bee Hinom Aafataŋ. Bi ga li gur yin do ke Linikul Aafataŋ ni la.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Josua 15:63

Juda aanib aa nan ŋmaa jenn nyan Jebus yaab bi nan bi Jerusalem aatiŋ ponn ni na. Jebus yaab laa beenin bi nima, Juda aanib chee.

Josua 18:28

ni Sela, ni Ha Elef, ni Jebus, bee Jerusalem, ni Gibea, ni Kiriaf Jearim aatim: ntim ngbaan mɔmɔk nan ti saa ntim kipiik ni munaa la, le ki kpee itingbaan i bi gbɔk mu na. Ntim mu Benjaminn aamaal nan gaa aan mu ye baatiŋ na le na.

Bibɔjirb 1:21

Tɔ, Benjaminn aanibol ma aa nan jenn nyan Jebus yaab bi nan koo Jerusalem ponn ni na, le Jebus yaab ngbaan, ni Benjaminn aanibol aanib beenin kpaan koo nima.

Bibɔjirb 1:8

Juda aajab nan tak Jerusalem aatiŋ le ki nyaŋ ki. Bi nan ku kaanib, le ki see ki mmii lii.

Bibɔjirb 19:10

Uja ngbaan aa nan ki ban bi doon nima, kina pu le u ni upuu fii kal baasan pu, le waanaagbiija, ni ibon ilee i tu ŋitun na dii bi. Ni nan ti bi joor le bi peen Jebus aatiŋ, Jerusalem aatiŋ le na, le unaagbiija ngbaan bui waaninkpel ke, “Ba ŋa naa cha ti doon Jebus yaab aatiŋ kee ni?”