Josua 18:12 - Uwumbɔr aagbaŋ

¹² Ŋŋangan wɔb, baatiŋ aanaanmɔk le nan yoor ni Jɔɔdann Aamɔɔl mɔk, ki di kina ti ker Jeriko aatiŋ aaŋangan wɔb, le ki nyan nima ki di buen liwilir wɔb, ki di dii ŋigongon aatiŋ ponn ni ki ti kar Bef Afenn aateersakpiin pu.

Josua 18:12 ပူးပေါင်းရင်းမြစ်များ

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Josua 16:1

Kitiŋ ngbaan aaŋangii wɔb aanaanmɔk ki bi nan yakr tii Josef aamaal na, nan piin Jɔɔdann Aamɔɔl chee ki bi Jeriko aatiŋ chee, Jeriko aanyunbun aawipuul wɔb, ki dii kina ti nyan nteersakpiin aatiŋ pu, ki yoor ni Jeriko mɔk ki buen ŋigongon aatiŋ ni, ki dii kina ti nyan Betel aatiŋ ni,

Josua 18:11

Bi nan pue yakr njan aatiŋ tii Benjaminn aamaal la. Baatiŋ nan dɔ Juda ni Josef aamaal aatim aakaasisik ni la.

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.

Josua 6:1

N‑yoonn mue le bi nan laŋ Jeriko aagoln aabisamɔi mɔmɔk ke Israel yaab taa ŋmaa koo kitiŋ ngbaan ni. Ubaa aan ŋmaa koo, ubaa mu aan ŋmaa nya kitiŋ ngbaan ni.

Josua 7:2

Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,

Josua 8:15

Le Josua ni waajab kpal ke baadim nyaŋ bi la, le ki fenn bipuwɔb ki san cha, ki di toŋ nteer aatiŋ kibaa wɔb.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,