Josua 18:10 - Uwumbɔr aagbaŋ

¹⁰ Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Josua 18:10 ပူးပေါင်းရင်းမြစ်များ

1 Bibɔrb Aabɔr 24:5

Eleasar ni Itamar aayaabitiib ponn ni aah nan kpa Uwumbɔr Aadichal ni aaninkpiib, ni binikpaam na, bi nan too inaan le ki tii bi mɔmɔk ŋitun.

Nehemia 11:1

Binib bi nan ye biyidam na nan kal Jerusalem ponn ni, le binib bi gur na too inaan ke bi lee lidichal libaa ŋidichal kipiik mɔk ponn ni ke bi buen ti li koo Jerusalem aatiŋ ki bi chain na ponn ni, le bi gur na ti li koo ntisakpem ni muwaatiir na ponn ni.

Ilahn 47:4

U lee kitiŋ ki ti ga li bi ki pu na tii timi, liwangol li ye waah gee binib bi na yaan na.

Ilahn 61:5

Uwumbɔr, aa ŋun maah puu tipuur ti na, le ki tii mi binib bi nyuŋni si na aawan.

Ŋiyataŋak 18:18

Bipɔɔndam bilee yaa kpak tɔb libɔjil ni kan, too inaan ki cha Uwumbɔr kuln tibɔr ngbaan.

Jeremia 7:12

Li cha man Silo aatiŋ ni, libuul li ni m nan puen lee ke ni li dooni mi nima na, ki ti lik maah ŋa nima chee, maanib Israel yaab aatunwanbir pu na.

Esekiel 47:22

Ki ga li ye nimi aatiŋ le ki cha n‑yoonn mɔmɔk. Ni yaa bi yakr ki kan, ni tii biwɔwɔm bi koo ni chee ki ma mbim do na mu baatiŋ. Ni ŋa bi ke naah ga ŋa Israel aanii pu na, ki cha bi mu kpaan too inaan Israel aanibol chee ki gaa baatiŋ.

Esekiel 48:29

Tidindaan Uwumbɔr len ke, “Kina le ni ga yakr ki ga gii gii kitiŋ ngbaan tii Israel aanibol aan ni li ye biyaan.”

Maika 2:5

Kina pu na, n‑yoonn yaa nan fuu ni ke bi di kitiŋ ngbaan tii Uwumbɔr aanib kan, ni ponn ni ubaa aan ti li kpa nibaa ki ponn ni.

Nkahm 34:16

Uwumbɔr nan bui Moses ke,

Matiu 27:35

Le butɔb aajab ngbaan kpaa u ndɔpuinkoo pu, ki di waawanpeenkaan ti yakr tɔb, le ki too inaan ke bi lik bimɔk aah ga kan ni na,

Jɔnn 17:2

ba pu? aa ŋa mi binib mɔmɔk Aadindaan ke m di limɔfal li kaa kpa ndoon na, ki di tii saah tii mi binib bi na mɔmɔk.

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Kolosiya 1:12

ki li dooni u; ba pu? uma le ŋa nimi binib bi ŋeer ke bi kan tiwan ni u ga tii waanib, nwiihn aanaan ni na.

Josua 14:2

Uwumbɔr aah nan bui Moses ke u ŋa pu na, bi nan too inaan le ki yakr ntim tii Israel yaab aanibol ŋiwae ni ligeln ŋi nan bi Jɔɔdann aawilir wɔb na.

Josua 14:5

Israel yaab nan yakr kitiŋ ngbaan, Uwumbɔr aah nan bui Moses pu na la.

Josua 18:11

Bi nan pue yakr njan aatiŋ tii Benjaminn aamaal la. Baatiŋ nan dɔ Juda ni Josef aamaal aatim aakaasisik ni la.

Josua 18:6

Ni ŋmee naah ban ni yakr kitiŋ pu na ŋiker ŋilole ŋa kigbaŋ ni, aan ki li joo ni m chee. Le m ga too inaan ki baa Tidindaan Uwumbɔr aan u mɔk mi linibol mɔmɔk ni laapepel.

Josua 18:8

Bijab ngbaan nan buen bi ti yakr kitiŋ ngbaan, Josua aah mɔk bi pu na. U nan bui bi ke, “Ni buen kitiŋ ngbaan mɔmɔk ni, ki geei ki ŋiker ŋiker aan ki gir ni m chee man. Silo aatiŋ kee ponn ni, le m ga too inaan ki baa Uwumbɔr u mɔk mi maah ga yakr kitiŋ ngbaan pu na.”

Josua 18:9

Nima pu na, bijab ngbaan nan buen kitiŋ ngbaan ni le ki ti ŋa ni mɔmɔk, ki ŋmee baah yakr ki ŋipepel ŋilole pu na, le ki ŋmee ntim ngbaan aayimbil ŋa ŋipepel mɔmɔk ni, le ki gir buen Josua chee, Silo aatiŋ ni.

Josua 19:51

Utotoor Eleasar, ni Nunn aajapɔɔn Josua, ki kpee Israel yaab aanibol aaninkpiib le nan yakr ntim ngbaan tii bi mɔmɔk; bi nan too inaan ki mee Uwumbɔr, Silo aatiŋ ni, Uwumbɔr aah bi Libool li ni na aabisamɔb chee. Kina le bi nan ŋa, le ki yakr kitiŋ ngbaan doo.

Josua 23:4

M tii nimi ntim mu gur ke ni ga gaa, aan mu li ye nimi yaan na, le ki kpee ntim mu ti nyaŋ ki gaa, ki yoor Jɔɔdann Aamɔɔl mɔk, liwipuul wɔb, ki ti ker Kaasisik ni Aanyusakpem mɔk, liwilir wɔb na.