Josua 17:2 - Uwumbɔr aagbaŋ

² le ki di kitiŋ ki bi Jɔɔdann Aamɔɔl aawilir wɔb na tii Manase aanibol aamaal ligeln li gur na. Baayimbil le paa na: Abieser, ni Helek, ni Asriel, ni Sekem, ni Hefer, ni Semida. Bi mɔmɔk nan ye Josef aajapɔɔn Manase aajapɔtiib la. Bi nan ye bidichajoob la.

Josua 17:2 ပူးပေါင်းရင်းမြစ်များ

1 Bibɔrb Aabɔr 7:18

Gilead aaninkpan Hamolekef nan ma mbijabim mutaa la. Baayimbil sɔ: Isod, ni Abieser, ni Mala.

Josua 17:1

Bi nan di kitiŋ ngbaan aapepel li bi Jɔɔdann Aamɔɔl aawilir wɔb na tii Josef aajapɔpol u bi nan yin u ke Manase na aanibol ligeln libaa aamaal. Gilead aate u bi nan yin u ke Makir na, uma le nan ye Manase aajapɔpol, u nan ye uja u ŋmaa to likumbool na la, nima pu na, Gilead aatiŋ, ni Basann aatiŋ ki nan bi Jɔɔdann Aamɔɔdapuul liwipuul wɔb na le bi nan di tii u,

Josua 17:3

Selofehad nan ye Hefer aajapɔɔn la, le Hefer mu nan ye Gilead aajapɔɔn, le Gilead mu nan ye Makir aajapɔɔn, le Makir mu nan ye Manase aajapɔɔn, le Selofehad ma aa nan kpa ubijabo, u nan ma mpiibim ŋmeen la. Ubisatiib ngbaan aayimbil le paa na: Mala, ni Nowa, ni Hogla, ni Milka, ni Tirsa.

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 8:2

U nan tee len ke, “Maah ŋman ki ŋa pu na aan ŋmaa sil naah ŋa pu na chee. Hali Efraim aajab aah ŋa siib u na jer maataŋaal mɔmɔk aah ŋa pu na.