Josua 17:18 - Uwumbɔr aagbaŋ

¹⁸ Ŋigongon aatiŋ ngbaan ga li ye nimi yaan. Mbamɔn, ki ye kichook la, ni ga ŋmaa gaa ki, ki maa nima, ki di ki mɔmɔk ŋa nimi aatiŋ. Kanaann yaab ma kan, baah kpa tikur aatɔroku mam ki pɔɔ sakpen pu na, ni ga ŋmaa jenn nyan bi.”

Josua 17:18 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

2 Samuel 18:6

Ubɔr David aajab nan nyan yal kitiŋ ngbaan pu, le bi ni Israel yaab ti di kijaak piin, Efraim aachook ni.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Rom Yaab 8:37

Tɔ, Yesu Kristo u gee timi na aapɔɔn pu, le ti kan linyaŋ kookoo.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”

Hiibru Yaab 13:6

Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”

Josua 13:6

Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.

Josua 15:9

ki nyan nima chee, ki dii kina buen Neftoa Aanyunbun chee, le ki ti ker ntim mu bi Efronn Aajool chee na. Nima chee le ki fenn kpaa Baala aatiŋ ni; bi ki yin ki ke Kiriaf Jearim aatiŋ.

Josua 17:17

Le Josua bui binib bi ye Efraim aamaal, ni Manase aamaal bi bi liwilir wɔb na ke, “Mbamɔn, ni wiir pam le ki mu kpa mpɔɔn sakpen. Ni ŋan ke ti kpee nimi kitiŋ.

Josua 20:7

Nima pu na, Jɔɔdann Aamɔɔl aawilir wɔb na, bi nan nyan Kedes aatiŋ ki bi Galilee aatiŋ ni na la, ki nan bi ŋigongon aatiŋ ni, ki ye Naftali aanibol aatiŋ na, le ki ki nyan Sekem aatiŋ ki nan bi ŋigongon aatiŋ ni, ki ye Efraim aanibol aatiŋ na, le ki ki nyan Hebronn aatiŋ ki nan bi ŋigongon aatiŋ ni, ki ye Juda aanibol aatiŋ na,

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.