Josua 17:11 - Uwumbɔr aagbaŋ

¹¹ Isakar ni Aser aakaasisik ni na, Manase le nan yeh Bef Sann, ni Ibleam aatim mu bi nima chee na, ki kpee ntim mu mann gonn nima na, ni Dor aatiŋ ki bi gbɔk nnyusakpem aagbaan na, ni Endor, ni Taanak, ni Megido aatim, ni ntim mu mann gonn mu na.

Josua 17:11 ပူးပေါင်းရင်းမြစ်များ

2 Samuel 21:12

le u buen ti gaa Sɔɔl ni ujapɔɔn Jonatann aakpab Jabes yaab chee, Gilead aatiŋ ni. Jabes yaab nan loon ti yoor ikpab ngbaan, Bef Sann aatiŋ ni, nin chee Filistia yaab nan ti di Sɔɔl ni ujapɔɔn Jonatann aawon leen iŋmin pu, bundaal bi nan ku bi Gilboa Aajool pu na la.

1 Bibɔrb 9:15

Ubɔr Solomonn nan cha binaagbiib maa Uwumbɔr Aadichal, ni nnaan aadichal, ki cha bi ŋeeb kitiŋ ngbaan aawipuul wɔb aafataŋ, ki maa kitiŋ ngbaan aagoln. U nan ki cha bi gir maa Hasor, ni Megido, ni Geser aatim.

2 Bibɔrb 9:27

Ubɔr Ahasia nan kan tiwan ni ŋa na, le ki di waatɔroku kar kpaa ki san cha Bef Hagann aatiŋ ni, le Jehu ka u pu. Jehu nan bui waajab ke, “Ku u mu man,” le waah nan bi waatɔroku ni ki ti saa Gur aatiŋ ki ŋɔk Ibleam aatiŋ na, le bi tii u titotonn. Tɔ, u nan tee pɔɔn ubaa ki ti fuu Megido aatiŋ ni, le ki kpo nima.

1 Bibɔrb Aabɔr 6:70

Manase aanibol ligeln li bi liwilir wɔb na ponn ni mu, bi nan di Aner, ni Bileam aatim, ni mu aamoŋmɔpaan le tii bi.

1 Bibɔrb Aabɔr 7:29

Manase aayaabitiib le nan yeh Bef Sann, ni Taanak, ni Megido, ni Dor aatikpaam, ni ntim mu maln goln mu na. Jakob aajapɔɔn Josef aayaabitiib aah nan koo nin chee na le bi na.

2 Bibɔrb Aabɔr 35:22

Tɔ, Josia nan neen kijaak sakpen. U nan yii, kaa pel Uwumbɔr aah nan cha Ubɔr Neko len pu na, le ki ŋa ubaa ke nifam ubaa na, ki buen butɔb ni, Megido aatiŋ ki bi taar na pu.

Ilahn 83:10

Aa nan nyaŋ bi Endor aatiŋ pu, le bi dɔ nima ki ti bur.

Jeremia 49:2

Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Sekaria 12:11

N‑yoonn ngbaan kan, Jerusalem aakpowiil ga nyaŋ ke liwaal Hadad Rimonn li bi Megido aatiŋ ni na aakpowiil aah nan nyaŋ pu na la.

Josua 11:2

ni bibɔrb bi aatiŋ bi ŋigongon ni, ki bi ŋŋangan wɔb na, ni Jɔɔdann aafataŋ ki bi ŋŋangii wɔb ki gbɔk Galilee Aanyusakpem na, ni ntim mu bi ŋigongon aataab na, ni ntim mu nɔn nnyusakpem aagbaan ki gbɔk Dor aatiŋ na.

Josua 12:21

ni Taanak, ni Megido,

Josua 12:23

ni Dor, ki nan bi nnyusakpem aagbaan na, ni Goyim, ki bi Galilee aatiŋ ni na,

Josua 16:9

ki nan kpee ntim ni itingbaan i mu nan bi Manase aatiŋ ngbaan ponn ni aan bi yakr tii Efraim yaab mu na.

Josua 17:10

Efraim aamaal le nan yeh ŋŋangii wɔb, le Manase aamaal mu nan yeh ŋŋangan wɔb, le Kaasisik ni Aanyusakpem bi kitiŋ ngbaan aawilir wɔb. Aser aatiŋ nan bi kitiŋ ngbaan ŋŋangan ni liwilir aakaasisik ni, le Isakar aatiŋ nan bi kitiŋ ngbaan ŋŋangan ni liwipuul aakaasisik ni.

Josua 17:16

Le bi giin bui u ke, “Ŋigongon aatiŋ ngbaan aa wiir ki ga fuu timi, le Kanaann yaab bi bi kifataŋ ni na: bi bi Bef Sann aatiŋ ni na, ni bi bi ki mann gonn ki na, ni bi bi Jesreel aafataŋ ni na kpa tikur aatɔroku mam la.”

Bibɔjirb 1:27

Manase aanibol aa nan jenn nyan binib bi nan koo Bef Sann, ni Taanak, ni Dor, ni Ibleam, ni Megido aatim, ni ntim mu bi gbɔk mu na; Kanaann yaab nan beenin koo nima.

Bibɔjirb 5:19

Taanak aatiŋ ki bi Megido aakpen chee na, le bibɔrb nan dan nan jan; Kanaann aabɔrb nan tun tijar, ki mu aa nan ŋmaa di tikunabr tibaa buen.

1 Samuel 28:7

Le Sɔɔl bui waaninkpiib ke, “Ban kan man upii u joo inyɔk buu tibɔɔr na, aan m buen u chee ti baa lik.” Bi nan bui u ke, “Ubaa bi Endor ni.”

1 Samuel 31:10

Bi nan di waajawan bil baawaapii Astaate aawaadiik ni, le ki di uwon kpaa tam Bef Sann aatiŋ aagoln pu.

1 Samuel 31:12

le baapobidam fii kinyeek ki buen Bef Sann ni. Bi nan chuu kpaar Sɔɔl ni ujapɔtiib aawon ligoln ngbaan pu, ki di gir buen Jabes aatiŋ ni, ki ti see ti mmii nima,