Josua 16:10 - Uwumbɔr aagbaŋ

¹⁰ Baa nan jenn nyan Kanaann yaab bi nan bi Geser aatiŋ ponn ni na, kina pu na, Kanaann yaab ngbaan kpaan bi Efraim yaab chee le ki nan saa din, bi nan tee muk bi ke bi li tun lituln ke binaagbiib na.

Josua 16:10 ပူးပေါင်းရင်းမြစ်များ

1 Bibɔrb 9:15

Ubɔr Solomonn nan cha binaagbiib maa Uwumbɔr Aadichal, ni nnaan aadichal, ki cha bi ŋeeb kitiŋ ngbaan aawipuul wɔb aafataŋ, ki maa kitiŋ ngbaan aagoln. U nan ki cha bi gir maa Hasor, ni Megido, ni Geser aatim.

1 Bibɔrb 9:16

Ijipt aabɔr nan tak Geser aatiŋ le ki gaa ki, ki ku kaanib, le ki see ki mmii. Ubisal aah nan mɔn Solomonn na, le u di kitiŋ ngbaan tii ubisal tibɔndinn aapiin,

Josua 10:33

Le Geser aabɔr, u bi yin u ke Horam na, dan nan kpee Lakis yaab pu, le Josua nan nyaŋ u ni waajab, waa nan ki gur unii ubaa aan u fu.

Josua 15:63

Juda aanib aa nan ŋmaa jenn nyan Jebus yaab bi nan bi Jerusalem aatiŋ ponn ni na. Jebus yaab laa beenin bi nima, Juda aanib chee.

Josua 16:9

ki nan kpee ntim ni itingbaan i mu nan bi Manase aatiŋ ngbaan ponn ni aan bi yakr tii Efraim yaab mu na.

Josua 17:12

Ibamɔn, Manase aanib ngbaan aa nan ŋmaa jenn nyan Kanaann yaab bi nan bi ntim ngbaan ni na, kina pu na, Kanaann yaab ngbaan laa beenin koo nima chee.

Josua 17:13

Hali n‑yoonn mu Israel yaab nan moo pɔɔk na, baa nan jenn nyan Kanaann yaab mɔmɔk doo. Israel yaab nan tee muk bi le bi tun lituln tii bi.

Bibɔjirb 1:29

Efraim aanibol aa nan jenn nyan Kanaann yaab bi nan koo Geser aatiŋ ni na, kina pu na, Kanaann yaab ngbaan nan beenin koo bi chee la.