Josua 15:7 - Uwumbɔr aagbaŋ

⁷ ki yoor ni Tibɔbir Aafataŋ mɔk, ki ti nyan Debir aatiŋ pu, le ki fenn ŋŋangan wɔb ki di kpaa Gilgal aatiŋ, ki ni Adumim Aajool Aasan lik tɔb na, ki bi kifataŋ aaŋangii wɔb na, le ki yoor kina ki buen Ensemes aanyunbun wɔb, ki nyan nima ti pii Enn Rogel,

Josua 15:7 ပူးပေါင်းရင်းမြစ်များ

2 Samuel 17:17

Abiatar aajapɔɔn Jonatann ni Sadok aajapɔɔn Ahimaas nan bi Enn Rogel aayayak aanyunbun na chee, Jerusalem aanambokon ni, le ki kii; baa ban ke unii ubaa kan bi koo ni Jerusalem ponn ni. Unaagbiipiibo ubaa le nan chaa ti tuk bi naah bi pu na, le bi mu buen ti bui Ubɔr David.

1 Bibɔrb 1:9

Daalbaadaal le Adonija nan di ipiih, ni inaaja, ni inaabi i bi kpiin i, aan i filk sakpen na toor kitork, “Uwaa Aatakpal” li bi Enn Rogel aayayak aanyunbun chee na. U nan chɔi Ubɔr David aajapɔtiib biken, ni ubɔr aaninkpiib bi nyan ni Juda aatiŋ ni na, ke bi dan kitork aajim ngbaan ni.

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Josua 10:43

Nee aapuwɔb, le Josua ni waajab gir kun Gilgal aatiŋ ni.

Josua 15:15

U nan nyan nima chee le ki buen ti lir Debir aanib pu. Njan bi nan yin kitiŋ ngbaan ke Kiriaf Sefer aatiŋ la.

Josua 15:6

ki yoor kina ki ti ker Bef Hogla aatiŋ mɔk, le ki dii buen kidunduŋ ki bi Jɔɔdann aafataŋ chee na aaŋangan wɔb, le ki dii kina buen Bohann, u nan ye Rubenn aajapɔɔn na, aatakpal chee,

Josua 18:17

le ki fenn nima chee ki buen ŋŋangan wɔb ki ti fuu Enn Semes, le ki buen Gelilof aatiŋ ki tok Adumim Aasan na, le ki ki yoor nima ki buen Rubenn aajapɔɔn Bohann Aatakpal na chee,

Josua 4:19

Binib ngbaan nan puur Jɔɔdann Aamɔɔl njan aaŋmal aawiin kipiik daal la, le ki kal Gilgal aatiŋ ni, Jeriko aawipuul wɔb.

Josua 7:24

Le Josua ni Israel yaab mɔmɔk kpaan yoor Akann, ni tikunabr, ni libɔkul, ni salmaa ngbaan, ki kpee Akann aabim, ni waawakor, ni waabool, ni tiwan nimɔk u kpa na, ki di buen Tibɔbir Aafataŋ ni.

Josua 7:26

le ki kuun ŋitakpal paan u pu; ŋi beenin dɔ nima ki nan saa din. Nima pu le bi yin nima chee ke Tibɔbir Aafataŋ. Le Uwumbɔr aaŋuul nin sɔŋ.