Josua 15:47 - Uwumbɔr aagbaŋ

⁴⁷ Ntim mu nan ki bi na le nan ye Asdod ni Gasa aatim, ni itingbaan i bi gbɔk mu na, le ki yoor kina ki ti ker mbun mu ye Ijipt aatiŋ mɔk na, ni Kaasisik ni Aanyusakpem aagbaan.

Josua 15:47 ပူးပေါင်းရင်းမြစ်များ

1 Bibɔrb 5:4

Tɔ, dandana, Ndindaan Uwumbɔr tii mi nsuudoon, maatinaanmɔk ni. Maa ki kpa bidim, le kaa ki san ijawaan ke ubaa ga tak mi.

2 Bibɔrb 18:8

U nan nyaŋ Filistia yaab le ki loon baatiwaatiir ni ntikpaam mɔmɔk. Gasa aatiŋ ni kaapepel mu nan bi waah nan loon ntim mu na ni.

2 Bibɔrb Aabɔr 26:6

Usia ni Filistia yaab nan faa tɔb butɔb. U nan tur baatim Gaf, ni Jamnia, ni Asdod aagon lir, le ki maa ntikpaam mu pɔɔ na gbaŋ Asdod ni Filistia aatim mu gur na.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Jeremia 47:1

Waahr aan Ijipt aabɔr nin tak Gasa aatiŋ na, Uwumbɔr nan len Filistia yaab aabɔr m chee.

Jeremia 47:5

Mpombiin sakpiin fuu ni Gasa aanib chee a, le Askelonn aanib ŋmin chii. Filistia yaab bi gur na ga wii ikpowiil ti saa bayoonn?

Sefania 2:4

Unii ubaa aan gur Gasa aatiŋ ni. Bi san cha Askelonn aatiŋ nkuun a. Liwingeln le bi ga di jenn nyan Asdod aanib baatiŋ ni, ki jenn nyan Ekronn aatiŋ aanib mu.

Lituln 8:26

N‑yoonn ngbaan le Uwumbɔr aatuun tuk Filip ke u gor ki dii ŋŋangii wɔb, ki dii timoor ni aasan mu nyan Jerusalem ki cha Gasa aatiŋ ni na. Dandana wee, nsan ngbaan ŋa nsankpok a.

Ikaal 2:23

Krete aadikl aanib le nan ka kpak Kaasisik ni Aanyusakpem aagbaan. Bima le nan kuln Afim yaab. Binib ngbaan le nan pue ka nima chee, le bi kuln bi, ki gaa baatiŋ ki dii ŋŋangii wɔb ki ti nyan Gasa aatiŋ ni.

Josua 11:22

Anak yaab ngbaan aa nan ki gur ki bi Israel aatiŋ ni, bi nan gur siib kina le ki bi Gasa, ni Gaf, ni Asdod aatim ni.

Josua 13:3

ki kpee Afim yaab aatiŋ ki bi ŋŋangii wɔb na. (Kitiŋ ki dɔ Sihor aabun chee, ki bi Ijipt yaab aatiŋ aanaanmɔk na, ki yoor ti ker ŋŋangan wɔb, Ekronn aatiŋ mɔk na ye Kanaann yaab aatiŋ la; Filistia yaab aabɔrb le nan bi Gasa, ni Asdod, ni Askelonn, ni Gaf, ni Ekronn aatim ni.)

Josua 15:4

ki di buen Asmonn aatiŋ wɔb, le ki dii mbun mu bi Ijipt aatiŋ mɔk na, ki ti saa Kaasisik ni Aanyusakpem nin chee kitiŋ mɔk doo na. Juda yaab aatiŋ, ŋŋangii wɔb aanaanmɔk le na.

Josua 15:46

ni ntim mɔmɔk ni itingbaan i bi gbɔk Asdod aatiŋ na, ki yoor Ekronn mɔk ki ti ker Kaasisik ni Aanyusakpem.

Josua 15:48

Ŋigongon aatiŋ, ni ntim mu nan bi nima chee na le nan ye Samir, ni Jatir, ni Soko,