Josua 15:13 - Uwumbɔr aagbaŋ

¹³ Uwumbɔr aah nan bui Josua ke u ŋa pu na, u nan di Juda aatiŋ aapepel nibaa chee tii Jefune aajapɔɔn Kaleb, u nan ye Juda aanibol aanii ubaa na. Bi nan di Hebronn aatiŋ, ki nan ye Aba u nan ye ŋiwɔk Anak yaab aate na aatiŋ le tii u.

Josua 15:13 ပူးပေါင်းရင်းမြစ်များ

Mpiin 13:18

Le Abram buen ti kal isui sakpiin i bi yin i ke Mamre aasui na chee, Hebronn aatiŋ ni, le ki maa kitork aabimbiln, le ki doon Uwumbɔr nima chee.

Mpiin 23:2

U nan kpo Hebronn aatiŋ ki bi Kanaann aatiŋ ni na la, le Abraham nan wii u pu pam.

2 Samuel 2:1

Nee aapuwɔb, le David baa Uwumbɔr ke, “M ga gir buen Juda aatiŋ kibaa ni ii?” Le Uwumbɔr kii u ke, “Een.” Le David ki baa u ke, “Kilatiŋ?” Le Uwumbɔr bui u ke, “Hebronn aatiŋ.”

1 Bibɔrb Aabɔr 6:56

Le Jefune aajapɔɔn Kaleb nan tee yeh ikpaakon ni ntimbim mu bi nima chee na.

2 Bibɔrb Aabɔr 11:10

ni Sora, ni Aijalonn, ni Hebronn.

Nkahm 13:30

Kaleb nan bui binib bi nan bi len Moses chee tibɔr ti kaa ŋan na ke bi ŋmin chii, le ki bui bi ke, “Cha ti buen ti tak kitiŋ ngbaan yaab ki gaa ki, ti kpa mpɔɔn ki ŋeer ti nyaŋ bi ki gaa kitiŋ ngbaan.”

Josua 11:21

N‑yoonn mue le Josua nan buen ki ti kuln linibol li ye ŋiwɔk, aan bi yin bi ke Anak yaab, aan bi bi ŋigongon aatim mu bi yin mu ke Hebronn, ni Debir, ni Anab, ni ŋigongon aatim mumɔk bi Juda ni Israel aatim ni na. Josua nan kuln ŋiwɔk ngbaan ni ŋaatim.

Josua 20:7

Nima pu na, Jɔɔdann Aamɔɔl aawilir wɔb na, bi nan nyan Kedes aatiŋ ki bi Galilee aatiŋ ni na la, ki nan bi ŋigongon aatiŋ ni, ki ye Naftali aanibol aatiŋ na, le ki ki nyan Sekem aatiŋ ki nan bi ŋigongon aatiŋ ni, ki ye Efraim aanibol aatiŋ na, le ki ki nyan Hebronn aatiŋ ki nan bi ŋigongon aatiŋ ni, ki ye Juda aanibol aatiŋ na,

Josua 21:11

Bi nan di Aba aatiŋ, ni kimopɔɔk ki mann gonn ki na le tii bi, le bi gur yin ki ke Hebronn, ki bi Juda aagongon aatiŋ ni la. Aba nan ye ŋiwɔk Anak yaab aayaaja.

Bibɔjirb 1:10

Bi nan buen ti tak Kanaann yaab bi koo Hebronn aatiŋ ki bi nan laa yin ki ke Kiriaf Aba na. Nima chee le bi nan nyaŋ Sesai, ni Ahimann, ni Talmai aataŋaal pu yaab.

Bibɔjirb 1:20

Moses aah nan len pu na, le bi nan di Hebronn aatiŋ tii Kaleb, le u jenn nyan Anak aayaabitiib aataŋaal itaa i bi ki ponn ni na.

1 Samuel 30:14

Ti nan binn Keref yaab aapepel li bi Juda yaab aapepel aaŋangii wɔb na, ni Kaleb aamaal aapepel, le ki see Siklag aatiŋ.”

1 Samuel 30:31

ni Hebronn aatim ni na. U nan lee ni tun tii ntim mumɔk u ni waajab nan kpak mu ponn ni na.