Josua 15:10 - Uwumbɔr aagbaŋ

¹⁰ Nima chee le ki mann gonn Baala aatiŋ liwilir wɔb, ki fenn kpaa ŋigongon aatiŋ ki bi yin ki ke Edom na, le ki di dii buen Jearim, bee Kesalonn, Aajool aaŋangan wɔb, ki di sunn taab ki ti ker Bef Semes, le ki dii Timna aatiŋ ni.

Josua 15:10 ပူးပေါင်းရင်းမြစ်များ

2 Samuel 6:2

ki di bi buen Juda aatiŋ ki bi yin ki ke Baala na ni, ke bi ti yoor ni Uwumbɔr Aakaal Aadakaa, u Uwumbɔr u yeh mpɔɔn mɔmɔk na aayimbil bi u pu, aan u bi tiwan ni kpa ifeen na aapaacham na.

2 Bibɔrb 14:11

Tɔ, Amasia nan yii kaa ŋun tii u, kina pu le Israel yaab aabɔr Jehoas nan di waajab nyan le bi ti di biyil kpaa tɔb Bef Semes aatiŋ ki bi Juda ni na.

2 Bibɔrb Aabɔr 28:18

N‑yoonn baan ngbaan le Filistia yaab mu nan bi looni ntim mu bi liwilir wɔb aagongon ŋi bi taab na, ni Juda aaŋangii wɔb. Bi nan gaa Bef Semes, ni Aijalonn, ni Gederof aatim, ni Soko, ni Timna, ni Gimso aatim ni itingbaan i bi mu chee na, ki kal mu ni kookoo.

Josua 15:11

Kitiŋ ngbaan aanaanmɔk ki yoor kina, ki dii buen ligongoln li bi Ekronn aaŋangan wɔb na, ki fenn kpaa Sikeronn, ki dii Baala Aajool aataab, le ki ti ker Jamnia aatiŋ, ki nan ti doo Kaasisik ni Aanyusakpem chee la.

Josua 15:57

ni Kayinn, ni Gibea, ni Timna aatim: mu nan ti saa ntim kipiik la, le ki kpee itingbaan i bi gbɔk mu na.

Josua 19:38

ni Yironn, ni Migdalel, ni Horem, ni Bef Anaf, ni Bef Semes aatim: ntim ngbaan mɔmɔk nan ti saa ntim kipiik ni muwae la, le ki kpee itingbaan i bi gbɔk mu na.

Josua 21:16

ni Ayinn, ni Juta, ni Bef Semes, ni mu aamopɔr mu: mu nan ye ntim muwae, le ki bi Juda ni Simeonn aanibol aatim ni, bi nan di mu tii utotoor Aaronn aamaal ni yaab.

Bibɔjirb 14:1

Daalbaadaal le Samsonn nan di buen Timna aatiŋ ni, le ki ti kan Filistia aasapɔɔn ubaa nima chee.

Bibɔjirb 14:5

Kina pu na, Samsonn nan di ute ni una buen Timna aatiŋ ni. Baah nan bi ŋisubil aasar ponn ni ki cha na, u nan ŋun uchinn ubaa bi ŋuuni.

1 Samuel 6:9

ki li si lik i, i li cha; i yaa di toŋ Bef Semes aatiŋ ni kan, ni mɔk ke Israel yaab Aawumbɔr le tun ni nimi tibɔbir sakpen ngbaan. I yaa kaa toŋ nima kan, ti ga bee ke naa ye uma le tun ni tibɔbir ngbaan, ti dan tibaa pu la.”