Josua 14:9 - Uwumbɔr aagbaŋ

⁹ Maah nan ŋa kina na, le Moses nan puu ke u ga di kitiŋ ki m nan chuun ki pu na tii m ni maamaal, ki li ye timi aatiŋ.

Josua 14:9 ပူးပေါင်းရင်းမြစ်များ

Ilahn 37:9

Binib bi di naadii tii Uwumbɔr na le ga li yeh kitiŋ kee, le Uwumbɔr ga jenn nyan bibiindam ma.

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

Ikaal 1:36

Jefune aajapɔɔn Kaleb baanja le ga koo ki ni. Uma le si chob ki tii mi naadii; m ga di kitiŋ ki u nan buen ti pekr ki chuun mann ki ponn ni na, tii u ni uyaabitiib.’

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.

Josua 1:3

Maah nan tuk Moses pu na, m di kitiŋ ki ni chaa koo ki ponn ni na aatingbaln mɔmɔk tii aa ni maanib ngbaan mɔmɔk.

Josua 14:10

N‑yoonn mue na, ni saa ŋibin imonko ilee ni ŋiŋmu le na, le Uwumbɔr nan bui Moses tibɔr tee. N‑yoonn ngbaan le Israel yaab nan chuun nteersakpiin ni. Uwumbɔr aah nan len pu na, u cha m beenin kpa laafee ki bi limɔfal ni. Lik maah saa pu na. M ye ŋibin imonko inaa ni ŋiŋmu la,

Bibɔjirb 1:20

Moses aah nan len pu na, le bi nan di Hebronn aatiŋ tii Kaleb, le u jenn nyan Anak aayaabitiib aataŋaal itaa i bi ki ponn ni na.