Josua 13:31 - Uwumbɔr aagbaŋ

³¹ ki nan ki kpee Gilead aatiŋ ligeln, ki ti kpaan Astarof ni Edrei aatim, muma le nan ye ntikpaam ubɔr Og aanaan ni, ki bi Basann aatiŋ ni. Bi nan di kitiŋ ngbaan mɔmɔk tii Manase aajapɔɔn u bi nan yin u ke Makir na le aamaal ligeln.

Josua 13:31 ပူးပေါင်းရင်းမြစ်များ

1 Bibɔrb Aabɔr 6:71

Baah nan tii Gesonn aataŋaal aadichal ntim mu ni mu aamoŋmɔpaan na aayimbil sɔ: Golann ki bi Basann ni na, ni Astarof aatim mu bi Manase aanibol ligeln li bi liwipuul wɔb aapepel ni na.

Ilahn 60:7

Gilead ni Manase aatim ye min yaan la; Efraim aatiŋ le ye maakur aayikpupuk, le Juda ye maabɔr aajaangbeek.

Josua 12:4

Bi nan ki nyaŋ Basann aabɔr u bi nan yin u ke Og na, uma le nan ye ubɔr u gbeln kookoo, ŋiwɔk Refa yaab ni na. Uma le nan jin nnaan Astarof ni Edrei aatim ni.

Josua 13:12

ki nan ki kpee Og u nan gbeln kookoo ŋiwɔk Refa yaab ni na aanaan, uma le nan joo Astarof ni Edrei aatim. Moses le nan nyaŋ ntim ngbaan le ki jenn nyan binib ngbaan mɔmɔk.

Josua 13:32

Kina le Moses nan yakr kitiŋ ki nan bi Jeriko aawipuul wɔb, Jɔɔdann Aamɔɔdapuul na, n‑yoonn mu u nan bi Moab aateer pu na.

Josua 17:5

Nima pu le Manase aanibol ma nan kan kitiŋ ngbaan nfum kipiik pu, ki kpee Gilead ni Basann aatim mu bi Jɔɔdann Aamɔɔl aawipuul wɔb na pu,

Josua 17:6

ba pu? bi nan yakr kitiŋ ngbaan tii baamaal bi ye mbijabim, ni mpiibim na mu la. Bi nan di Gilead aatiŋ le tii Manase aanibol aamaal bi gur na.

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 5:17

Gad aanibol nan bee Jɔɔdann Aamɔɔl aawipuul wɔb, le Dann aanibol gaar iŋɔsakpiin chee. Aser aanibol nan bee nnyusakpem aagbaan; bi nan gaar nnyun aagbaan.

1 Samuel 12:10

Le bi wii ki yin Uwumbɔr ke u ter bi, ki bui ke, ‘Uwumbɔr, ti tun titunwanbir; ti fenn tipuwɔb tii si, ki dooni ŋiwaa ŋi bi yin ŋi ke Baal ni Astaate na. Gaa timi, timi aadim chee lii, aan ti li dooni si.’

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”