Josua 13:29 - Uwumbɔr aagbaŋ

²⁹ Moses nan di kitiŋ ngbaan lipepel libaa wɔb tii Manase aanibol aamaal ligeln li gur na, aan ki li ye baatiŋ.

Josua 13:29 ပူးပေါင်းရင်းမြစ်များ

1 Bibɔrb Aabɔr 5:23

Manase yaab bi nan bi liwipuul wɔb na nan koo Basann aapepel ni, ki di ti saa ŋŋangan wɔb Baal Hemonn, ni Senir, ni Hemonn Aajool mɔk. Bi nan pɔr sakpen.

Nkahm 32:22

aan ti gaa kitiŋ ngbaan na. Nee aapuwɔb na, ni ga ŋmaa gir kun ni; ba pu? n‑yoonn ngbaan muin ni ŋa naah len Uwumbɔr, ni niŋeen aatɔtiib Israel yaab biken chee ke ni ga ŋa pu na. Uwumbɔr ga kii ke u di kitiŋ ki bi Jɔɔdann aamɔɔl, liwipuul wɔb do, ki di tii nimi, ki li ye nimi yaan.

Nkahm 32:40

Nima pu na, Moses nan di Gilead aatiŋ ngbaan tii Makir aataŋaal ni yaab, le bi koo nima.

Ikaal 3:13

M nan di Gilead aapepel li gur na, ni Basann aatiŋ ki ubɔr Og nan joo aan ki ye Agob aapepel mɔmɔk na, tii Manase aanibol ligeln libaa.” Tɔ, bi nan yin Basann aatiŋ ke Refa yaab aatiŋ.

Josua 13:28

ntim ngbaan le bi nan di tii Gad aanibol aamaal ke mu li ye baatiŋ.

Josua 13:30

Baatiŋ mɔk nan yoor ni Mahanaim aatiŋ, ki kpee ubɔr Og aanaan mɔmɔk mu nan ye Basann aatim mɔmɔk na, ni Jair aatingbaan imonko itaa i bi Basann ni na,

Josua 17:5

Nima pu le Manase aanibol ma nan kan kitiŋ ngbaan nfum kipiik pu, ki kpee Gilead ni Basann aatim mu bi Jɔɔdann Aamɔɔl aawipuul wɔb na pu,

Josua 17:6

ba pu? bi nan yakr kitiŋ ngbaan tii baamaal bi ye mbijabim, ni mpiibim na mu la. Bi nan di Gilead aatiŋ le tii Manase aanibol aamaal bi gur na.