Josua 13:14 - Uwumbɔr aagbaŋ

¹⁴ Moses aa nan yakr kitiŋ tii Liifai aanibol. Uwumbɔr aah nan bui Moses pu na, Liifai yaab le nan yeh tiwan nimɔk binib nan joo toor kitork ki seer mmii ni tii Israel yaab Aadindaan Uwumbɔr na aanann ngem.

Josua 13:14 ပူးပေါင်းရင်းမြစ်များ

Esekiel 44:28

“Maah di tiwan ni tii bitotoorb Israel yaab ponn ni ke bi li joo nabr biyaabisɔsɔk na le ye maatork aatuln. Baa kpa lifaal libaa Israel aatiŋ pu; baawan mɔmɔk le ye min.

Esekiel 44:29

Bitotoorb aajikaar le ga li ye njikaabim aatork, ni titunwanbir aachapinn aatork, ni lipɔln aateem aatork, bima ki yeh tiwan ni mɔmɔk bi nyan Israel aatiŋ pu ki di tii mi na.

Ikaal 10:9

Kina pu le baa nan yakr kitiŋ tii Liifai yaab aanibol ke biken na. Baah nan gaa ipiin i na le ye ke bi nan kpa nsan ke bi li ye Nidindaan Uwumbɔr aatotoorb, ke waah nan puu pu na.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:19

Naah ga li bi kitiŋ ngbaan ni, ki cha n‑yoonn mu na, ni pɔɔn nibaa ki taa suln Liifai yaab bɔr.

Josua 13:13

Mbamɔn, Israel yaab aa nan jenn nyan Gesur ni Maaka yaab, bi laa beenin bi Israel aatiŋ ni.

Josua 13:15

Moses nan yakr kitiŋ ngbaan aapepel nibaa chee tii imaal i ye Rubenn aanibol na, ke ki li ye baatiŋ.

Josua 13:33

Moses aa nan tii Liifai yaab ma aanibol kitiŋ kibaa kpala. U nan tuk bi ke baawan le ga li ye ipiin i Israel yaab joo nan tii bima Israel yaab Aadindaan Uwumbɔr na, bi ga li ji ipiin ngbaan ponn ni la.

Josua 18:7

Mbamɔn, Liifai yaab ma kan, maan yakr kitiŋ kibaa tii bi ke nimi bi gur na aah ga kan pu na, ba pu? biyaan le ye ke bi ye Uwumbɔr aatotoorb. Gad, ni Rubenn, ni Manase aanibol ligeln bi bi Jɔɔdann Aamɔɔl aawipuul na mu kan kitiŋ ki bi liwipuul wɔb ngbaan na. Uwumbɔr aatutunn Moses le nan di ki tii bi.”