Josua 13:13 - Uwumbɔr aagbaŋ

¹³ Mbamɔn, Israel yaab aa nan jenn nyan Gesur ni Maaka yaab, bi laa beenin bi Israel aatiŋ ni.

Josua 13:13 ပူးပေါင်းရင်းမြစ်များ

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

2 Samuel 3:3

ni Kileab, u aana nan ye Nabal aakpopii Abigail aan u nyan ni Kamel na; ni Absalom, u aana nan ye Gesur aatiŋ Aabɔr Talmai aabisal Maaka na;

Nkahm 33:55

Tɔ, ni yaa yii, kaa jenn nyan binib bimɔk bi kitiŋ ngbaan ni na kan, bi gur na ga tii nimi tibɔr pam, ki li bi ke liwanchɔl na le ninimbil ni, ki ki li bi ke ikokon na le ki saar nimi, le ki ga tak nimi.

Ikaal 3:14

Le Jair, u nan ye Manase aanibol ni aanii na, nan gaa Agob aapepel mɔmɔk. Bi ki yin nima ke Basann, le waanaanmɔk nan di ti ker Gesur ni Maaka aatim mɔk. U nan di waayimbil le yin ntimbim ngbaan, le bi beenin yin mu ke Jair aatim ki nan saa din.

Josua 12:5

Waanaan ngbaan le nan ki joo Hemonn Aajool, ni Saleka aatiŋ, ni Basann aatim mu, ki yoor kina ki ti ker Gesur ni Maaka aatim mɔk, ni Gilead aapepel ligeln, ki ti saa Hesbonn aabɔr Sihonn aapepel.

Josua 13:11

ki ki kpee Gilead aapepel, ni Gesur ni Maaka aapepel, ni Hemonn Aajool aapepel mɔmɔk, ni Basann aatim mɔmɔk, ki yoor kina ki ti ker Saleka,

Josua 13:12

ki nan ki kpee Og u nan gbeln kookoo ŋiwɔk Refa yaab ni na aanaan, uma le nan joo Astarof ni Edrei aatim. Moses le nan nyaŋ ntim ngbaan le ki jenn nyan binib ngbaan mɔmɔk.

Josua 13:14

Moses aa nan yakr kitiŋ tii Liifai aanibol. Uwumbɔr aah nan bui Moses pu na, Liifai yaab le nan yeh tiwan nimɔk binib nan joo toor kitork ki seer mmii ni tii Israel yaab Aadindaan Uwumbɔr na aanann ngem.

1 Samuel 27:8

N‑yoonn ngbaan le David ni waajab nan chaa ti tak Gesur, ni Girsi, ni Amalek aanib, bima le nan puen bi lipepel ngbaan n‑yoonn mu jer na. U nan binn baatiŋ ki ti saa Sur, ni Ijipt,