Josua 12:8 - Uwumbɔr aagbaŋ

⁸ Kitiŋ ngbaan le nan ye ŋigongon aatiŋ, ni ŋigongon aataab aatim mu bi liwilir wɔb na, ni Jɔɔdann aafataŋ aatiŋ, ni ntim mu bi kifataŋ ngbaan, ŋigongon aataab, ki chaan cha liwipuul wɔb na, ni nteer aatiŋ ki bi ŋŋangii wɔb na. Binib bimina le nan yeh kitiŋ ngbaan: Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab.

Josua 12:8 ပူးပေါင်းရင်းမြစ်များ

Mpiin 10:17

ni Hif yaab, ni Arka yaab, ni Sinn yaab,

Mpiin 12:9

U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

Mpiin 13:7

Nima chee, le Abram aanib ni Lot aanib bi nan kpaa baawakor ngbaan na piin ki jaa. N‑yoonn ngbaan, Kanaann yaab ni Peris yaab nan beenin bi kitiŋ ngbaan ni.

Nnyam 23:23

Maatuun le ga loln ni pu nsan ki di nimi buen kitiŋ ki ye Amor yaab, ni Hef yaab, ni Peris yaab, ni Kanaann yaab, ni Hif yaab, ni Jebus yaab aatiŋ na, le m ga kuln bi mɔmɔk.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Ikaal 9:1

“Israel yaab, li pel man. Din wee na, ni ban ni puur Jɔɔdann Aamɔɔl aan ki gaa ŋinibol ŋi wiir ki kpa mpɔɔn jer nimi na aatiŋ la. Baatim ye mukpaan la, le bi maa ŋigon ŋi fɔk ti nyan paacham na gob mu.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 11:16

Josua nan nyaŋ kitiŋ ngbaan mɔmɔk: u nan nyaŋ ŋigongon paab aatim, ni ŋigongon aataab aatim, ni ŋŋangan ni ŋŋangii mɔmɔk, ni Gosenn aapepel mɔmɔk, ki kpee nteersakpiin ni aatiŋ, ki kpee Jɔɔdann aafataŋ.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.

Bibɔjirb 1:9

Nee aapuwɔb le bi buen ti faa Kanaann yaab bi koo ŋigongon aatiŋ pu na, ni bi koo taataab aagongon ni na, ni bi koo kitikuun ki bi ŋŋangii wɔb na mu.