Josua 11:23 - Uwumbɔr aagbaŋ

²³ Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.

Josua 11:23 ပူးပေါင်းရင်းမြစ်များ

Nehemia 9:24

Bi nan jan ki gaa Kanaann aatiŋ; aa nan nyaŋ binib bi koo nima na tii bi. Aa nan tii saanib mpɔɔn ke bi ŋa Kanaann aatiŋ aanib, ni baabɔrb, baah gee pu na.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Nnyam 34:11

Ni li kpa ŋuntii ki joo cha ikaal i m di mɔk nimi din wee na wɔb. M ga jenn nyan Amor yaab, ni Kanaann yaab, ni Hef yaab, ni Peris yaab, ni Hif yaab, ni Jebus yaab, naah ga li tur koo bi ponn ni pu na.

Esekiel 45:8

Mpaan ngbaan le ujojoor na ga li kpa Israel aatiŋ pu, nima kan, waan ki muk binib kitiŋ pu, u ga cha litingbaln ngbaan ni gur na li ye Israel aanibol yaan.

Ikaal 1:38

Tɔ, pɔɔk Nunn aajapɔɔn Josua u ye saateter na aataakpab. Uma le ga loln nimi Israel yaab pu nsan, le ni gaa kitiŋ ngbaan.’

Ikaal 25:19

Kina pu na, buyoonn Nidindaan Uwumbɔr ti di kitiŋ ngbaan tii nimi, aan ki tii nimi lifuur nimi aadim chee doo na, ni ku Amalek yaab mɔmɔk, nima kan, ubaa aan nan ki teer bibɔr kitaak kibaa daal. Ni taa suln.

Josua 12:7

Josua ni Israel aanib le nan nyaŋ bibɔrb bi aatim bi Jɔɔdann Aamɔɔdapuul, liwilir wɔb, ki yoor Baalgad aatiŋ ki bi Lebanonn aafataŋ ni, ki ti ker ŋŋangii wɔb, Halak Aajool li bi gbɔk Edom aatiŋ na. Josua nan yakr kitiŋ ngbaan tii Israel aanibol, ki li ye baatiŋ ki joo cha.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Josua 22:4

Dandana wee, waah nan puu pu na, Nidindaan Uwumbɔr tii niŋeen aatɔtiib Israel yaab biken nsuudoon a. Kina pu na, gir kun kitiŋ ki pu ni nan gaa ki ye nimi yaan na, kitiŋ ki bi liwipuul, Jɔɔdann aamɔɔdapuul wɔb na, kitiŋ ki Uwumbɔr aatutunn Moses nan di tii nimi na.

Josua 23:1

Naah bi cha na, le Uwumbɔr tii Israel yaab linyaŋ baadim pu, le bi kan nsuudoon. N‑yoonn ngbaan Josua nan por pam,