Josua 11:22 - Uwumbɔr aagbaŋ

²² Anak yaab ngbaan aa nan ki gur ki bi Israel aatiŋ ni, bi nan gur siib kina le ki bi Gasa, ni Gaf, ni Asdod aatim ni.

Josua 11:22 ပူးပေါင်းရင်းမြစ်များ

1 Bibɔrb 2:39

Ŋibin ŋitaa aah jer na, le Simei aanaagbiib bilee san buen Gaf aatiŋ aanii Maaka aajapɔɔn, ubɔr Akis chee. Simei aah ŋun ke bi bi Gaf aatiŋ ni na,

1 Bibɔrb Aabɔr 18:1

Naah ŋa iwiin ilee na, le David ki buen ti tak Filistia yaab, ki nyaŋ bi. U nan gaa Gaf aatiŋ, ni ntimbim mu bi ki mann goln ki na bi chee.

1 Bibɔrb Aabɔr 8:13

Beria ni Sema nan ye bidichadam le ki koo Aijalonn Aatiŋ ni. Bima le nan jenn nyan binib bi nan koo Gaf aatiŋ ni na.

2 Bibɔrb Aabɔr 26:6

Usia ni Filistia yaab nan faa tɔb butɔb. U nan tur baatim Gaf, ni Jamnia, ni Asdod aagon lir, le ki maa ntikpaam mu pɔɔ na gbaŋ Asdod ni Filistia aatim mu gur na.

Aisaya 20:1

Asiria aabɔrkpaan Sargonn nan cha waatɔb aajab aaninkpel ti tak Filistia aatikpaan Asdod.

Lituln 8:40

Binib nan kan Filip kitiŋ kibaa ni, bi yin ki ke Asotus. Le u bɔ dii ntim mɔmɔk ni, nima chee, ki tuk binib Yesu aabɔnyaan, le ki ti fuu Siisarea aatiŋ ni.

Ikaal 2:23

Krete aadikl aanib le nan ka kpak Kaasisik ni Aanyusakpem aagbaan. Bima le nan kuln Afim yaab. Binib ngbaan le nan pue ka nima chee, le bi kuln bi, ki gaa baatiŋ ki dii ŋŋangii wɔb ki ti nyan Gasa aatiŋ ni.

Ikaal 9:2

Binib ngbaan fɔk ki kpa mpɔɔn. Bi ye ŋiniwɔk la, le ni ŋun ke ubaa aan ŋmaa faa bi butɔb.

Josua 10:41

Josua aah nan ton butɔb dii pu na mɔmɔk nan yoor u ŋŋangii wɔb, Kades Banea aatiŋ ni, ki ti saa Gasa aatiŋ ki bi nnyusakpem aagbaan na, ki kpee Gosenn aapepel, le ki ti saa ŋŋangan wɔb, Gibeonn aatiŋ ni.

Josua 15:14

Kaleb nan jenn Anak aamaal mɔmɔk nyan kitiŋ ngbaan ponn ni, bi nan ye Sesai yaab, ni Ahimann yaab, ni Talmai yaab aanib la.

Josua 15:46

ni ntim mɔmɔk ni itingbaan i bi gbɔk Asdod aatiŋ na, ki yoor Ekronn mɔk ki ti ker Kaasisik ni Aanyusakpem.

Josua 15:47

Ntim mu nan ki bi na le nan ye Asdod ni Gasa aatim, ni itingbaan i bi gbɔk mu na, le ki yoor kina ki ti ker mbun mu ye Ijipt aatiŋ mɔk na, ni Kaasisik ni Aanyusakpem aagbaan.

Bibɔjirb 1:18

Uwumbɔr nan ter Juda aanib, le bi gaa ŋigongon aatiŋ ngbaan. Bi mu aa nan tee ŋmaa nyaŋ Gasa, ni Askelonn, ni Ekronn aatim, ni mu aapepel. Binib ngbaan, bi nan koo nnyusakpem aagbaan na, nan kpa itaan aah dar tikur aatɔroku tiib, kina pu na, Juda aanib aa nan ŋmaa jenn nyan bi.

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.

1 Samuel 17:4

Bi nan yin Filistia aaja ubaa ke Goliaf, u ye Gaf aanii na, le u nyan ni Filistia yaab aakakaa ni, ki nan kpak Israel yaab ki mɔk bi waapɔɔn. U nan ye liwɔkl, le ki fɔk ti nyaŋ,

1 Samuel 5:1

Filistia yaab aah jan ki gaa Uwumbɔr Aakaal Aadakaa na, bi nan yoor u nyan Ebeneser aatiŋ ponn ni, ki di buen baatiŋ Asdod ni,