Josua 11:20 - Uwumbɔr aagbaŋ

²⁰ Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

Josua 11:20 ပူးပေါင်းရင်းမြစ်များ

2 Samuel 17:14

Le Absalom ni Israel yaab mɔmɔk bui ke, “Husai aasurm ŋan jer Ahitofel aasurm.” Uwumbɔr le nan siin ke bi taa kii Ahitofel aasurm, aan tibɔbir dan Absalom pu.

1 Bibɔrb 12:15

Ni nan ye Uwumbɔr aageehn le ke waah nan cha waabɔnabr u nyan ni Silo aatiŋ ni aan bi yin u ke Ahija na tuk Nebat aajapɔɔn Jeroboam ke tiwan nee ga ŋa. Nima pu le ubɔr nan yii, kaa pel binib ngbaan aah nan len pu na.

2 Bibɔrb Aabɔr 22:7

Uwumbɔr nan di lisachuln limina le daa ker Ahasia lii kitiŋ. Waah nan bi nima chee na, le Nimsi aajapɔɔn Jehu, u Uwumbɔr nan lee ke u kuln Ahab aanaan na dan nan lir u ni Joram pu.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Nnyam 10:1

Uwumbɔr nan bui Moses ke, “Buen ki ti kan ubɔr ngbaan. M cha u ni waaninkpiib aasui pɔɔk, nima kan, m ga ŋmaa ŋa lijinjiir aatuln, binib ngbaan aanimbiin ni,

Nnyam 11:10

Tɔ, Moses ni Aaronn nan ŋa lijinjiir aatun ŋimina mɔmɔk ubɔr ngbaan aanimbiin ni, le Uwumbɔr nan cha usui pɔɔk, le waa kii ke Israel yaab nya waatiŋ ni.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 9:12

Uwumbɔr nan cha ubɔr ngbaan aasui moo pɔɔk, le ni gbiin waah nan len pu na, ke ubɔr ngbaan aa ŋun tii Moses ni Aaronn.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 14:24

Uwumbɔr Mpɔɔnsakpiindaan puu tipuur ke: “Maah ŋa maalandak pu na, kina le ga ŋa. Maah bui ke m ga ŋa pu na, kina le ga ŋa.

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Rom Yaab 9:18

Nima le binib bi u ban u san bi kinimbaak na, u san bi kinimbaak. Binib bi u ban ke u cha bi gaa biyil na, u cha bi gaa la.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Bibɔjirb 14:4

Ute ni una aa nan nyi ke Uwumbɔr le bi ŋani kina. Uwumbɔr le nan bi ban nsan ke u ban Filistia yaab kijaak. N‑yoonn mumina na Filistia yaab le nan joo Israel yaab.

1 Samuel 2:25

Unibɔn yaa tun uŋeen aatɔ taani kan, nibaakan Uwumbɔr ga san u kinimbaak, tɔ, ŋma ga ter unii u tun Uwumbɔr titunwanbir na?” Le baa pel bite aah len pu na, ba pu? Uwumbɔr nan siin ke u ku bi.