Josua 11:14 - Uwumbɔr aagbaŋ

¹⁴ Israel yaab nan yoor tiwanyaan mɔmɔk, ni tiwakor, ntim ngbaan mɔmɔk ni, ki joo bibaa, le ki ku binib ma doo, unii aa nan gur ki ŋmar.

Josua 11:14 ပူးပေါင်းရင်းမြစ်များ

2 Bibɔrb Aabɔr 20:25

Jehosafat ni waajab nan buen ke bi ti yoor baadim ngbaan aawan. Bi nan ti kan tiwakor, ni tijikaar, ni tiwanpeenkaan, ni tiwanbankaan niken. Bi nan di iwiin itaa le ki kuun tiwan ngbaan, kaa ŋmaa doo, ba pu? tiwan nan nyaŋ.

Nkahm 31:9

Israel yaab nan chur Midiann yaab aapiib ni mbim tinaagbiir, le ki gaa baawakor, ki yoor baawangol mɔmɔk,

Ikaal 20:14

Ni ga ŋmaa chur bipiib, ni mbim, ni tiwakor, ni tiwan nimɔk bi kitiŋ ngbaan ni na mɔmɔk. Ni ga ŋmaa gaa baawan mɔmɔk ki di ŋa naah ban pu na. Uwumbɔr le di ni tii nimi.

Ikaal 20:16

“Nidindaan Uwumbɔr aah joo kitiŋ ki u di tii nimi na, ni yaa nyaŋ ki gaa baatim kan, ni ku unii mɔmɔk.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 11:11

Josua ni waajab nan ku Hasor aatiŋ ni aanib mɔmɔk, unii kina aa nan gur ki ŋmar; le bi nan see kitiŋ ngbaan mmii.

Josua 11:13

Waa nan see baah nan maa ntim mu ngongobim pu na, Hasor aatiŋ baanja le Josua nan see ki mmii.

Josua 11:15

Uwumbɔr le nan di tibɔr ngbaan bui waatutunn Moses, le Moses mu di ti bui Josua, le Josua kii tibɔr ngbaan, ki nan ŋa tiwan ni mɔmɔk Uwumbɔr nan bui ke u ŋa na.

Josua 8:2

Naah nan ŋa Jeriko aatiŋ, ni kaabɔr pu na, ni ŋa Ai aatiŋ ni kaabɔr mu kina. N‑yoonn mumina ma kan, ni yaa nyaŋ Ai aatiŋ kan, ni li joo tiwan, ni tiwakor ngbaan mɔmɔk. Ni gor ki mann buen kitiŋ ngbaan aapuwɔb ki ti lir bi.”

Josua 8:27

Israel yaab nan chur tiwakor, ki faa tiwan nimɔk bi kitiŋ ngbaan ni na, ke Uwumbɔr aah nan bui Josua pu na.