Josua 10:7 - Uwumbɔr aagbaŋ

⁷ Le Josua ni waajab mɔmɔk bi ponn ni bibaa ŋmaa to tijar mbamɔm na kpaan nyan ni Gilgal aatiŋ ni.

Josua 10:7 ပူးပေါင်းရင်းမြစ်များ

Aisaya 8:12

“Taa kpaan binib ngbaan chee, ni baah bi tun baatun ŋi na ni, ki taa li san ijawaan tiwan ni pu bi san ijawaan na.

Aisaya 8:14

Maah bi chain sakpen pu na, m naahn litakpal li binib gbeer li na la. M naahn kitaŋ ki chuu Israel ni Juda aanaan aanib, ni Jerusalem aanib na la.

Josua 10:6

Le Gibeonn aatiŋ aajab tun ntuun Josua chee, Gilgal aatiŋ ni ke, “Timi aaninkpel, taa yii. Dan mala ki nan ter timi, ki gaa timi lii. Amor yaab aabɔrb mɔmɔk bi ka ŋigongon pu na kpaan kimɔbaan ki nan lir ti pu a.”

Josua 8:1

Uwumbɔr nan bui Josua ke, “Di bijab mɔmɔk buen aan ni ti to Ai yaab butɔb. Taa san ijawaan, ki taa cha aawon yɔl. Min le ga cha aa nyaŋ Ai aabɔr, ni waanib, ni waatiŋ, ni kaatingbaan mɔmɔk, le ki ga li ye nimi yaan.

Josua 8:3

Josua nan gor ke u ni waajab buen ki ti to Ai yaab butɔb. Kinyeek le u nyan waajab ŋichur piitaa, bi ŋmaa to butɔb na,