Josua 10:37 - Uwumbɔr aagbaŋ

³⁷ le ki nyaŋ ki. Bi nan ku nima chee aabɔr, le ki ku unii mɔmɔk kitiŋ ngbaan ni, ki kpee itingbaan imɔk bi nima chee na. Josua nan kuln kitiŋ ngbaan kookoo, nibaa chee aa nan ki gur kaa bii, u nan kuln ki, ke waah ŋa Eglonn aatiŋ pu na la. Unii ubaa aa nan ki gur ki fu.

Josua 10:37 ပူးပေါင်းရင်းမြစ်များ

Nnyam 17:13

Kina le Josua nan nyaŋ Amalek yaab.

Josua 10:28

Liyaadaal ngbaan le Josua nan ton butɔb ki nyaŋ Makeda yaab aatiŋ, ni kaabɔr. U nan ku binib bi mɔmɔk nan bi kitiŋ ngbaan ni na kookoo, le ubaa aa nan gur ki ŋmar. U nan ŋa Makeda aabɔr ke waah nan ŋa Jeriko aabɔr pu na la.

Josua 10:35

Liyaadaal ngbaan le bi nan nyaŋ kitiŋ ngbaan, ki ku unii mɔmɔk, ke baah ŋa Lakis aatiŋ pu na.

Josua 10:36

Nee aapuwɔb, le Josua ni waajab nan nyan Eglonn aatiŋ ni, ki di dii ŋigongon paab, ki buen Hebronn aatiŋ ni, le ki ti lir ki pu,

Josua 10:38

Josua ni waajab nan fenn ki gir buen Debir aatiŋ ni, ki ti lir ki pu.

Josua 10:39

U nan nyaŋ ki, ni kaabɔr, ni ntim mu bi nima chee na. Bi nan ku binib ngbaan mɔmɔk kookoo. Josua nan ŋa Debir aatiŋ, ni kaabɔr, ke waah nan ŋa Hebronn, ni kaabɔr, ni Libna, ni kaabɔr pu na la.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 11:12

Josua nan nyaŋ bibɔrb ngbaan, ni baatim mɔmɔk, ki ku binib ngbaan mɔmɔk, ke Uwumbɔr aatutunn Moses aah nan bui u ke u ŋa pu na.