Josua 10:26 - Uwumbɔr aagbaŋ

²⁶ Josua nan ku bibɔrb ngbaan mɔmɔk le ki di biwon leen isui iŋmu pu, le biwon lee nima ki ti saa kijook wɔb.

Josua 10:26 ပူးပေါင်းရင်းမြစ်များ

2 Samuel 21:6

Kina pu na, nyan waamaal ni aajab bilole tii timi, aan ti ti leen bi iŋmin pu, Sɔɔl u Uwumbɔr lee u ubɔr na aatiŋ Gibea ni, Uwumbɔr aanimbiin ni.” Le ubɔr David bui bi ke, “M ga di bi tii nimi.”

2 Samuel 21:9

David nan di bi tii Gibeonn aanib, bi nan ti di bi leen iŋmin pu, lijool pu, Uwumbɔr aanimbiin ni, le bi mɔmɔk bilole nan kpaan kpo. Ni nan ye unaalan aah ti ban u doo buyoonn, aan bi piin njikaabim mu bi yin mu ke baale na aacheen na la, le bi nan ku bi.

Esta 2:23

Bi nan fiir lik, ki kan ke tibɔr ngbaan nan gbii, kina pu na, bi nan leen bijab bilee ngbaan iŋmin ki ku bi. Ubɔr nan cha bi ŋmee tibɔr ngbaan mɔmɔk ŋa waanaan aagbann ponn ni.

Ilahn 149:7

ki nyaŋ ŋitimbol ŋi kaa dii Uwumbɔr aasan na, ki daa bitafal;

Ilahn 18:41

Bi wii ban nterm, le ubaa mu aan gaa bi lii; bi yin Uwumbɔr, le waan gar bi.

Nkahm 25:4

le ki bui Moses ke, “Chuu Israel yaab aayidam mɔmɔk, aan ki ku bi nwiin pu, nnimbiin ni, le maan ki gee liŋuul binib ngbaan pu.”

Matiu 27:25

Le bi mɔmɔk bui u, “Cha waasin li bi timi, ni timi aabim aaŋaal ni.”

Jɔnn 19:31

Ni nan ye kitaak ki ga woln Juu yaab aafuur daal na la. Likpaakool daal ngbaan nan ye nwiin sakpiin daal la. Nima le Juu yaab aa ban ke ŋinikpol li beenin bi idɔpuinkee pu likpaakool daal. Nima le bi bui Pailat ke u cha waajab ti gbaa kool bitaa, aan bi kpo mala, aan bi chuu nyan bi idɔpuinkee pu.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Josua 8:29

U nan di Ai yaab aabɔr ngbaan di leen busub pu, le ki cha uwon lee nima ki ti saa kijook wɔb. Nwiin aah cha mu ti lir buyoonn na, le Josua cha bi leer u lii, ki di waawon mee bil kitiŋ ngbaan aabisamɔb. Bi nan kuun ŋitakpal biin u pu, le ŋi beenin dɔ nima chee ki nan saa din.

Bibɔjirb 8:21

Seba ni Salmuna nan bui Gideonn ke, “Dan aabaa ki nan ku timi. Uja le tun uja aatuln.” Kina pu na, Gideonn nan ku bi, le ki gbiln nleenyaan mu gbin baalaakumii tiib aasil na.

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.