Josua 10:19 - Uwumbɔr aagbaŋ

¹⁹ Nimi nibaa taa li si nima man. Li beenin dii nimi aadim ngbaan man, ki taa cha bi koo baatim ponn ni man. Nidindaan Uwumbɔr le di bi tii nimi ke ni nyaŋ bi.”

Josua 10:19 ပူးပေါင်းရင်းမြစ်များ

2 Samuel 17:13

U yaa san koo kitiŋ kibaa ponn ni kan, timi aajab ga ban iŋmin ki nan dar kitiŋ ngbaan ti lii kifataŋ taab, litakpal libaa aan gur lijool ngbaan paab.”

2 Samuel 20:6

Kina pu le ubɔr nan bui Abisai ke, “Seba ga tii timi tibɔr, ki jer Absalom aah nan tii timi tibɔr pu na. Di maajab paan u pu, naa ye kina kan, u ga gaa tijawan aatim mubaa ki ŋmar.”

Jeremia 48:10

Puun lii unii u kaa joo usui mɔmɔk tun Uwumbɔr aatuln na. Puun lii unii u kaa joo kijaak aajuk gaar ki ku na pu na.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Josua 10:18

Josua nan bui ke, “Biln ŋitakpasakpiin ki di leŋ kitakpaluŋ ngbaan aabisamɔb man, ki cha bi li si kii ki man.

Josua 10:20

Le Josua ni Israel yaab nan ku bi pam, bibaa mu nan san ti bɔr baah maa ŋigon kiir ntim mu na ni, le baa pii bi ki ku bi.