Josua 10:13 - Uwumbɔr aagbaŋ

¹³ Nwiin nan sil, le uŋmal mu sil, kaa ki chuun, le linibol ngbaan ti nyaŋ baadim. Bi ŋmee tibɔr tee Jasar aagbaŋ ni. Le nwiin sil libuul libaa ni kitaapaak nwimɔn, kaa ki chuun.

Josua 10:13 ပူးပေါင်းရင်းမြစ်များ

2 Samuel 1:18

le ki siin ke Juda aanib bae mu. Bi ŋmee mu ŋa Jasar aagbaŋ ni:

2 Bibɔrb 20:10

Le Hesekia gar ke, “Naa pɔɔ ke kijunjuŋ buen mɔb wɔb ŋibimbin kipiik. Cha ki gir puwɔb ŋibimbin kipiik.”

Esta 8:13

Ni nan ye ke bi moon mu ke mu ye nkaal la, ki cha unii mɔmɔk li nyi mu ŋipepel ngbaan mɔmɔk ni, aan Juu yaab li kii bibaa baadim chee nwiin ngbaan daal.

Job Aagbaŋ 9:7

U ga ŋmaa chuu nwiin ke mu taa ki puu, ki ga ŋmaa chuu iŋmabi ke i taa li wiin kinyeek.

Ilahn 148:3

Nwiin ni uŋmal, pak u man; iŋmabi i moor lak lak na, pak u man.

Ilahn 19:4

le bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun. Uwumbɔr maa lidichal kitaapaak le tii nwiin;

Aisaya 24:23

Uŋmal ga bɔnn, le nwiin aan ki li wiin; ba pu? Uwumbɔr Mpɔɔnsakpiindaan ga ŋa ubɔrkpaan. U ga li ye Jerusalem u bi Sionn aajool pu na aabɔr, le binib ngbaan aaninkpiib ga kan waah nyuun sakpen pu na.

Aisaya 38:8

Ubɔrkpaan Ahas aah nan maa ŋibimbin ŋi bi taar ki jon na pu, Uwumbɔr ga cha ŋaajunjuŋ ngbaan gir puwɔb ŋibimbin kipiik.” Le kijunjuŋ ngbaan gir puwɔb ŋibimbin kipiik.

Joel 2:10

I yaa choo kan, kitiŋ deŋni la, le kitaapaak jii. Nwiin ni uŋmal mɔmɔk bɔnn chirm, le iŋmabi aa ki wiin.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Joel 3:15

Nwiin ni uŋmal ga bɔln, le iŋmabi aan ki li wiin.

Habakuk 3:11

Nwiin ni uŋmal aah kan saapiin ni saakpaatuŋ aah san mala mala pu na, le ni sil paacham chii.

Nkahm 21:14

Nima pu le Uwumbɔr aatɔb aagbaŋ ni, bi nan ŋmee ke: “Waheb aatiŋ ki bi Sufa aapepel ni na, ni ŋifatan, ni Anonn Aamɔɔl,

Nkahm 31:2

“Midiann yaab aah ŋa Israel yaab pu na, daa bitafal kina pu. Israel yaab yaa ŋa kina doo kan, nee aapuwɔb aa ga kpo.”

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 5:45

Ni yaa ŋani kina kan, ni ga li ye Nite Uwumbɔr u bi paacham na aabim; uma le cha waawiin puur ki woln tiniwanbir ni bininyaam pu, ki cha utaal nu ki tii binib bi ŋan na, ni binib bi kaa ŋan na.

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Lituln 2:20

nwiin ga bɔln, le uŋmal mann ke nsin na, waahr aan Uwumbɔr aawiin daal nin fuu ni. Mu ga li ye nwiin sakpiin mu kpa liyimbil na.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Josua 10:14

Yaajayoonn ki nyan liyaadaal ngbaan, ki nan saa din wee na, nwiin mbaa aa ki bi ke liyaadaal ngbaan na, liyaadaal ngbaan le Uwumbɔr kii unibɔn aamɔboln. Uwumbɔr le nan si Israel yaab pu ki ton butɔb ngbaan tii bi.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”

Tibɔkpiirkaan 6:12

Le m kan Upihbo ngbaan ki chuu dabr ndam loloob. Le kitiŋ deŋ sakpen. Le nwiin bɔln ke likekebɔln na. Le uŋmal mann ke nsin na.

Tibɔkpiirkaan 8:12

Le Uwumbɔr aatuun nanar mu pii waakakaan. Le nwiin ligetatar chuu gii ki bɔln. Uŋmal ligetatar, ni iŋmabi ligetatar mu chuu gii ki bɔln. Le nwiin ligetatar aa wiin. Kinyeek ligetatar mu aa wiin.

Bibɔjirb 16:28

Samsonn nan mee limeel ke, “Ndindaan Uwumbɔr, ŋaanii ki teer m bɔr; Uwumbɔr, ŋaanii ki ki tii mi mpɔɔn nfum mubaa, aan m di nfum mubaa teen Filistia yaab baah lokr nyan nnimbil ŋilee pu na pu.”

Bibɔjirb 5:2

Pak Uwumbɔr man. Israel yaab nan ŋa lipobil ke bi jan kijaak; binib nan di mpopiin nyan sil bibaa pu la.