Josua 1:15 - Uwumbɔr aagbaŋ

¹⁵ aan bi ti gaa ki koo kitiŋ ki bi Jɔɔdann aawilir wɔb aan Nidindaan Uwumbɔr di tii bi na. N‑yoonn mu u ti tii Israel aanibol mɔmɔk lifuur na kan, ni ga ŋmaa gir dan ki nan kal nibaa aatiŋ pu, Jɔɔdann aawipuul wɔb, kitiŋ ki Uwumbɔr aatutunn Moses nan di tii nimi na.”

Josua 1:15 ပူးပေါင်းရင်းမြစ်များ

1 Korenti 12:26

Tiwon nibaa chee yaa ji falaa kan, ni mɔmɔk ga kpaan ji falaa kina. Nibaa chee mu yaa kan nnyuŋ kan, ni mɔmɔk ga li kpa mpopiin.

1 Korenti 13:5

kaa kpa inimpoo, kaa ye ukumɔndaan, kaa ye uŋuudaan, kaa dak tilandakbir binib pu,

Galantiya 5:13

Nnaabitiib, Uwumbɔr yin nimi ke u nan gaa nimi lii la. Waah gaa nimi lii na, ni taa ki li ŋani nimi aabimbikpok aah ban pu na. Ni li gee tɔb ki li ter tɔb.

Galantiya 6:2

Kii Kristo aakaal mbamɔm man, ki li ter tɔb nimi aamuk ponn ni.

Ikaal 3:18

“N‑yoonn ngbaan, maah nan ki di tibɔr ti tuk bi na sɔ: ‘Tidindaan Uwumbɔr le di Jɔɔdann Aamɔɔl aawipuul aatiŋ kee tii nimi. Dandana wee, cha nimi aajab gor bibaa ki puur Jɔɔdann Aamɔɔl, ki loln Israel aanibol ŋi gur na nsan, aan ki ti ter bi mu bi gaa baatiŋ.

Ikaal 3:20

Ni buen ti ter niŋeen aatɔtiib Israel yaab biken, aan bi mu gaa kitiŋ ki Uwumbɔr ga di tii bi, Jɔɔdann Aamɔɔl aadapuul, liwilir wɔb na, ki ti saa buyoonn Uwumbɔr ga tii bi nsuudoon ke waah tii nimi do pu na. Nee aapuwɔb, ni ga ŋmaa gir kun ni kitiŋ ki m di tii nimi na ni.’

Ikaal 9:1

“Israel yaab, li pel man. Din wee na, ni ban ni puur Jɔɔdann Aamɔɔl aan ki gaa ŋinibol ŋi wiir ki kpa mpɔɔn jer nimi na aatiŋ la. Baatim ye mukpaan la, le bi maa ŋigon ŋi fɔk ti nyan paacham na gob mu.

Filipi 2:4

Ubaa taa li ban uma ubaa aanyoor baanja. Aa li ban ke ni mɔmɔk kan tinyoor.

Josua 1:1

Uwumbɔr aatutunn Moses aah nan kpo na aapuwɔb, le Uwumbɔr bui Moses aateter Josua u nan ye Nunn aajapɔɔn na ke,

Josua 1:14

Nipuutiib, ni nimi aabim, ni nimi aawakor ga bee ki ni do, le nimi aajab bi joo tijawan na ga kpee Israel yaab bi gur na pu, ki puur Jɔɔdann Aamɔɔl, ki ti ter bi

Josua 1:16

Le bi kii tii Josua ki gar u ke, “Ti ga ŋa saah tuk timi pu na, ki buen saah ga tun timi nin chee na mɔmɔk.

Josua 22:1

Josua nan yin Rubenn ni Gad aanibol, ni Manase aanibol ligeln, ŋi ye liwipuul wɔb yaab na, nan kpaan ubaa chee.