Jona 4:9 - Uwumbɔr aagbaŋ

⁹ Le Uwumbɔr nan ki bui u ke, “Saah gee liŋuul lipulaajil ngbaan aakun pu na, ni ŋan aa?” Le Jona gar ke, “Ni ŋan ke m gee liŋuul. M kpa liŋuul li ga ŋmaa ku mi na.”

Jona 4:9 ပူးပေါင်းရင်းမြစ်များ

1 Bibɔrb 21:4

Ahab nan di nsuubiin le gir kun, le waaŋuul fii Nabof aah tuk u pu na pu. U nan ti doon waawandookaan pu, le ki di unimbil kpaa lidigbimal, kaan ji tijiir.

Job Aagbaŋ 18:4

Aa ki joo saaŋuul tii aabaa le titotonn. Saaŋuul ga ŋmaa cha kitiŋ kpaln nkuun aa? Uwumbɔr ga foor ŋijoo ke ni mɔɔr si ii?

Job Aagbaŋ 36:18

Li nyi ki taa cha igaŋgaŋlik ŋmann si, ki taa cha liwankpal di si yenn.

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Jona 4:1

Jona aasui nan bii kina ngbaan pu, le liŋuul chuu u sakpen.

Jona 4:10

Uwumbɔr nan ki bui u ke, “Kinyeek kibaa ponn ni le lipulaajil ngbaan punn ki muun, le ki ki kpo kinyeek ki paa na; saa ŋa nibaa tii li, naa ti ki ye sin le cha li punn ki muun, le laah kpo na, aasui bii li pu.

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”

Matiu 26:38

Le u bui bi, “Nsui bii ki ti nyaŋ. Ni wu ke nkun aah wu pu na. Kaln do man, ki li lik man.”

2 Korenti 7:10

Ba pu? Uwumbɔr yaa cha unii kpa mpombiin waatunwanbir pu kan, nima le ga cha u kpeln waabimbin ki ŋmar. Naan ki gar u. Tɔ, dulnyaa wee ni aapombiin joo ni nkun la.

Tibɔkpiirkaan 9:6

N‑yoonn ngbaan, binib ga li ban nkun ke mu ku bi, kaan kan mu. Nkun ga san cha bi.

Bibɔjirb 16:16

Iwiin mɔmɔk u nan baa u le ki gir baa u. Waah nan muk u ni pu ki ti cha ulaasaab nyan ubaa ni pu na pu, le u ti baan tuk u mbamɔn. U nan bui u ke, “Baa kee di kijuk meeh maayikpir.