Jona 4:5 - Uwumbɔr aagbaŋ

⁵ Jona nan nyan kitiŋ ngbaan ni, le ki di toŋ liwipuul wɔb ki ti kal nibaa chee. Nima chee le u nan gaa kinambuŋ ki kal kaaboon ni, ki ka kii tiwan ni ga ŋa Ninefa aatiŋ na.

Jona 4:5 ပူးပေါင်းရင်းမြစ်များ

1 Bibɔrb 19:13

Elaija aah ŋun i pu na, le u di waabɔkul biin unimbil wɔb le ki nyan ti sil kitakpaluŋ ngbaan aamɔb chee. Le nneel len u chee ke, “Elaija, aa ŋani ba do?”

1 Bibɔrb 19:9

Nima chee le u nan ti koo kitakpaluŋ ni kinyeek ke u doon. Libuul ngbaan ni le Uwumbɔr len u chee ke, “Elaija, aa ŋani ba do?”

Aisaya 57:17

Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jona 1:5

Ijawaan nan chuu biŋɔŋaab ngbaan, le bi mɔmɔk wii ki yin baawaa ki ban nterm. Bi nan nyan ŋitun ŋi bi bu ponn ni na mae ŋa nnyun ni ke bu taa ki li nyuun. N‑yoonn mue na, Jona nan dɔ bu ponn ni ki dɔ geen.

Jona 4:4

Le Uwumbɔr nan gar u ke, “Saah gee liŋuul pu na, ni ŋan aa?”

Jona 4:6

Le Uwumbɔr cha lipulaajil punn ki jon kinambuŋ ngbaan, ki biin ki pu, ki tii Jona mboon, aan ki sɔŋ uwon. Jona aasui nan piir lipulaajil ngbaan pu sakpen.