Jona 4:3 - Uwumbɔr aagbaŋ

³ Uwumbɔr, cha m kpo. M yaa ba tee kpo kan, ni ba soor ni ke m li kpa limɔfal.”

Jona 4:3 ပူးပေါင်းရင်းမြစ်များ

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

Ulandaan 7:1

Liyimbinyaan ŋan jer tulalee u nu mɔ na, le nwiin mundaal aa ga kpo na mu ŋan jer nwiin mundaal bi ma si na.

Ulandaan 7:9

Taa gee liŋuul mala mala; aa yaa gee unii pu liŋuul ki yunn kan, ni ye kijɔrk la.

Jeremia 8:3

Le titunwanbir aatimbol limina aanib bi ŋmar, ki koo maah cha bi yaa ki bi nin chee na, ga li neen nkun ki jer ke bi li fu. Min Uwumbɔr le len kina.”

Jona 4:4

Le Uwumbɔr nan gar u ke, “Saah gee liŋuul pu na, ni ŋan aa?”

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”

Nkahm 11:15

Ni yaa ye ke aa ga ŋa mi kina kan, tee san mi kinimbaak ki nyan maamɔfal, nima kan, m ga nya falaa sakpiin wee ni.”

Nkahm 20:3

le ki ŋulni bi pu ki len ke, “Ti yaa ba kpo Uwumbɔr Aabool chee, biken chee kan, ni ba soor.

1 Korenti 9:15

M mu kpa nsan m mu li ji kina; le maa ŋa kina. Maah ŋmee pu na, maa ŋmee ke binib ŋa kina ki tii mi. Maah kaa gaal nibaa binib chee na, nima le m kpa kipupuk. Maa ban ke m li kpa kipupuk yɔli.