Jona 4:2 - Uwumbɔr aagbaŋ

² Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Jona 4:2 ပူးပေါင်းရင်းမြစ်များ

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

Ilahn 103:8

Uwumbɔr ye unimbaasaln la, le ki gee timi, waaŋuul aa fiir woween, le u gee timi sakpen.

Ilahn 145:8

Uwumbɔr kpa ngeehm le ki san kinimbaak, waaŋuul aa fiir mala mala, le waageehm wiir, kaa kpa ndoon.

Ilahn 78:38

Le Uwumbɔr ma nan san waanib kinimbaak. U nan di cha pinn bi baatunwanbir kaa kuln bi. N‑yoonn n‑yoonn pam le waa di waaŋuul tun lituln, ki chuu waaŋuusakpeln.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Ilahn 90:13

Saaŋuul ga ki yunn ki ti saa kinye? Uwumbɔr, san saatutum kinimbaak.

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Jeremia 42:10

‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Amos 7:3

Le Uwumbɔr kpeln waalandak ki bui ke, “Saah kan tiwan ni na aan ŋa kina.”

Amos 7:6

Le Uwumbɔr ki kpeln waalandak ki bui ke, “Nimina mu aan ki ŋa kina.”

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Tibɔnyaan ti Luk ŋmee ti na 10:29

Le u ban ke u li kpa mbamɔn, le ki baa Yesu, “Ŋma ye nna aabo?”

Ikaal 4:31

Uma le ye Uwumbɔr u kpa linimbaasaln na. Waan di nimi lii, ki mu aan kuln nimi doo, waan suln tipuur ti u nan puu tii niyaajatiib na.